کوردستان میدیا

چوارشەممه 27ی پووشپەڕ 2718
ماڵپەڕی ناوەندیی حیزبی دێموکراتی کوردستانی ئێران

یەكەمین فێرگەی سینەمایی بە هاوكاریی بەهمەن قوبادی لە هەرێمی كوردستان كرایەوە

16:38 - 19 خەرمانان 2713

كوردستان میدیا: بۆ یەكەمین جار فێرگەی سینەمایی هەرمانگ بە پشتیوانی و هاوكاریی سینەماكاری كورد بەهمەن قوبادی لە شاری هەولێر پێتەختی هەرێمی كوردستان كرایەوە.

ماڵپەڕی \'\'رادیۆ نەوا\'\' بڵاوی كردەوە، ئەو فێرگەیە دەستی بە چالاكییەكانی كردووە و بە كەڵک وەرگرتن لە بە تواناترین كەسایەتییەكانی بواری سینەما كارەكانی بەڕێوە دەبات.

ئەو فێرگەیە دەیهەوێ‌ ئۆگرانی سینەما لەبوارەكانی دەرهێنەری، وێنەگری، سیناریۆنووسی، مونتاژ، ئەكتەر و دوبلاژ پێ‌ بگەیەنێت.

سەرچاوەكە ئەوەشی خستۆتە روو ئەو فێرخوازانەی كەلە بنەماكانی سینەما و هەروەها سەبارەت بەم هونەرە زانیارییان نییە، لە ماوەی ٦مانگدا دەتوانن توانایی پێویست لە بواری سینەما و تەلەفزیۆندا بەدەست بێنن.

باشترین فێرخوازەكانی هەر خولێك، دوای ٦ مانگ خوێندن لە فێرگەی سینەمایی هەرمانگ، دەتوانن لە پشتیوانی ئابووری و وەرگرتنی هەلی خوێندن لە زانكۆكان و فێرگەكانی ئورووپایی و ئەمریكایی كەڵک وەربگرن.