کوردستان میدیا: کێشەی بێ بازاڕیی بەرهەمی تەماتە لە شارەکانی کوردستاندا بەردەوامە و وەرزێڕان بەناچار بەرهەمەکانیان لەنێو دەبەن و تووشی زەرەر و زیانێکی بەرچاو بوونە.
بەپێی ڤیدیۆ و وێنە بڵاو کراوەکان لە لایەن خاوەن بەرهەمە کشتوکاڵییەکانەوە، وەرزێڕان بەهۆی نەبوونی کڕیار و بێ بازاڕی، بەتایبەت تەماتە، بەرهەمەکانیان لەنێو دەبەن.
لە ڕۆژانی ڕابردوودا، تەماتەکارانی خەڵکی ڕوانسەر بەهۆی نەبوونی کڕیار بۆ بەرهەمەکانیان، زەوینەکانیان بەبێ هەڵگرتنەوەی بەرهەمەکانیان کێڵاوەتەوە.
نەبوونی کارخانەی تایبەت بە دروستکردنی ڕوب و قۆڕخکردنی لە لایەن یەک کارخانەوە لە پارێزگای کرماشاندا، هۆکاری سەرهەڵدانی ئەو گرفتانەیە.
