کوردستان میدیا: خەڵکی تێکۆشەری کوردستان لە بەڕێوەبردنی چالاکیی تەبلیغی و پیرۆزکردنی جێژنی ٢٥ی گەلاوێژدا بەردەوامن.
بەپێی هەواڵی گەیشتوو بە ماڵپەڕی کوردستان میدیا، کۆمەڵێک لە کەسایەتی، مامۆستای زانکۆ و قوتابخانەکانی کوردستانی ڕۆژهەڵات بە بۆنەی ٢٥ی گەلاوێژ ڕێوڕەسمێکیان بەڕێوە برد.
ئەو کەسایەتی و مامۆستایانە لە چیای داڵانپەڕی ورمێ کۆبوونەوەیان گرتووە و پیرۆزبایی خۆیان له حیزبی دێموکرات دووپات کردووەتەوە.
لە زانکۆکانی ئێران و کوردستاندا مامۆستایان و خوێندکارنی کورد وێڕای پیرۆزبایی جێژنی ٢٥ی گەلاوێژ، خۆیان بە پاڵپشتی حیزب زانیوە و پشتیوانیان لە خەباتی ڕەوای حیزب کردووە.
لە ماوەی ڕۆژانی ڕابردوودا توێژ و چینە جیاوازەکانی کوردستانی ڕۆژهەڵات بە شێوەی جۆراجۆر پشتیوانیی خۆیان لە حیزبی دێموکرات دەربڕیوە.
