کوردستان میدیا: لە چەند کاتژمێری ڕابردوودا، هێرشێکی سایبێری کرایە سەر دامەزراوە نەوتییەکان و ناوەندە دەوڵەتی و نیزامییەکانی ڕێژیمی ئێران و ئینتێرنێتەکەشی تووشی کێشە بوو.
بەپێی ڕاپۆرتی بڵاوکراوە لە هەواڵدەریی "فاکس نیووز"، لە چەند کاتژمێری ڕابردوودا، هێرشێکی سایبێری کراوەتە سەر دامەزراوە نەوتییەکان و ناوەندە دەوڵەتی و نیزامییەکانی ڕێژیمی ئێران.
ئەو هێرشە سایبێرییە بووەتە هۆی تێکدانی ئینتێرنێتی ئێران و کێشەی لەو ناوەند و دامودەزگایانەدا دروست کردووە.
پاش هێرشەکان بۆ سەر دامەزراوە نەوتییەکانی عەرەبستان، ئامریکا بە شێوەی فەرمی و وڵاتانی ڕۆژئاوایش بە شێوەی زارەکی، ئێرانیان بە بکەری ئەو هێرشە بۆ سەر دامەزراوەکانی "ئارامکۆ" زانی.
