کوردستان میدیا: سەرۆکی باڵای سازمانی ئاگرکوژێنەوە و خزمەتگوزاری ئەیمەنیی تاران، باسی لە قەدەغەبوونی هاوردەکردنی جلوبەرگی کاری ئاگرکوژێنەکان کردووە و لەم بارەوە ڕەخنەی لە ڕێژیم گرتووە.
مەهدی داوەری، ڕایگەیاندووە: دەرفەتی بەرهەمهێنانی جلوبەرگی ئاگرکوژێنەوە لە ئێراندا وەک پێویست ئامادە نییە و جلوبەرگی بەرهەمهاتووی نێوخۆ پەسەندکراو نین و ئاوڕنەدانەوە لەم بابەتە بە واتای گرینگی نەدانی ڕێژیم بە گیانی ئاگرکوژێنەکانە.
ناوبراو باسی لەوەش کردووە: دوای ئەوەی کە بانکی ناوەندی، چوار جۆرە کەلوپەلی بۆ بەشی تایبەتیی ئەرزی دەوڵەتی دیاری کرد، سەرەڕای لەکارکەوتوویی زۆرێک لە ئامێرەکانی و ماشین و کەلوپەلەکانی ئاگرکوژێنەوە بەو حاڵەشەوە لە ڕیزی چوارەمی کەلوپەلەکاندایە و هاوردەکردنی پێداویستییەکانی ئەم ڕێکخراوە قەدەغەیە.
ڕێژیمی ئێران بۆ فرۆشتنی شتومەک و کەرەستە بەرهەمهێنراوەکانی خۆی، هاوردەکردنی بەشێک لەو کەلوپەل و شتومەکە باش و بەستانداردانە قەدەغە کردووە، کە یەک لەوانە جلوبەرگی ئاگرکوژێنەوەیە.
