کوردستان میدیا: وەزیری دەرەوەی ئیسرائیل لە ڕێکخراوی نەتەوە یەکگرتووەکاندا، ڕوو لە کاربەدەستانی ڕێژیمی ئیسلامی، هەڕەشەی توندی کرد و کردەوەکانی ئەم ڕێژیمەی مەحکووم کرد.
وەزیری کاروباری دەرەوەی ئیسرائیل لە کۆبوونەوەی ساڵانەی نەتەوە یەکگرتووەکاندا، ڕوو لە دەسەڵاتدارانی ڕێژیمی ئیسلامیی ئێران وتی: "ئێمە دەبێ ئەمڕۆ ڕێژیمی ئیسلامی ڕابگرین، تاکوو لە داهاتوودا هیچ شەڕێک بەرۆکی هیچ وڵاتێک نەگرێتەوە".
هەروەها لە درێژەی قسەکانیدا بە گاڵتەوە و بە زمانی فارسی ڕوو لە ڕێژیمی ئێران وتی: "بۆیە بە فارسی قسە دەکەم هەتاکوو باشتر لێم تێبگەن، جووجکەکان لە کۆتایی پاییزدا دەژمێرن و ئاکامی کارەکانتان دواتر ڕوون دەبێتەوە".
ئەو هەڕەشانەی وەزیری دەرەوەی ئیسرائیل لە حاڵێکدایە کە ڕێژیمی ئیسلامی بە سەدان جار هەڕەشەی لە ئیسرائیل کردووە کە ئەم وڵاتە لەسەر نەخشەی جیهاندا دەسڕێتەوە.
