کوردستان میدیا: ئەندام و لایەنگرانی حیزبی دێموکراتی کوردستانی ئێران لە شاری سەقز پەیامێکیان بە بۆنەی ٢٥ی گەلاوێژ ساڵڕۆژی دامەزراندنی حیزبی دێموکراتی کوردستانی ئێران بڵاو کردەوە.
دەقی پەیامەکە بەم چەشنەیە:
بنەماڵەی سەربەرزی شەهیدان
زیندانییە خۆڕاگرەکان
پێشمەرگەکانی شاخ و شار
نیشتمان پەروەران و ئازادیخوازانی کوردستان
لە شاری سەقزی هەمیشە دێموکراتەوە سڵاوی گەرمی خۆمانتان پێشکەش دەکەین .
جێژنی ۲٥ی گەلاوێژ، لە هەموو خەڵکی کوردستان و بەتایبەت ئێوە و هەمووی ئەو کەسانە کە بە سەخاوەتەوە ئامادەن نرخی گەیشتن بە ئازادی بدەن پیرۆز بێت .
۲٥ی گەلاوێژ، شکۆی دەستپێکی خەباتی کوردستانی ڕۆژهەڵاتە، لە چوارچێوەی حیزبێکی ئاشتیخواز و سەردەمیانەدا .
حیزبی دێموکراتی کوردستانی ئێران، توانی لە بەرانبەری داگیرکەرانی دڕندەی توتالیتێردا بەرگری لە مان و مەوجودییەتی نەتەوەی کورد بکات و پارێزەری بایەخە ئینسانی و ئەخلاقییەکان بێت .
ئێمە وەک هەمیشە شانازی بە مێژووی زێڕینی حیزبەکەمانەوە دەکەین و لەم ڕۆژە پیرۆز و مێژوییەدا سەری کڕنۆش لە بەرانبەر شەهیدان و بنەماڵەکانیان دادەنوێنین و لە هەمانکاتدا، بەڵێنیی وەفاداری و درێژەدانی خەبات، لە ڕێبازی شەهیدانی کوردستان و کورددا دووپات دەکەینەوە .
نەمری بۆ شەهیدان ، سەرکەوتن بۆ کوردستان
مەرگ و نەمان بۆ ڕێژیمی تیرۆریست و ئینسانکوژی ئاخوندی
ئەندامان و لایەنگرانی حیزب لە شاری سەقز
