کۆماری ئیسلامیی ئێران لە سەر سنوور جێگەی هێزەکانی هەنگی سنووریی لەگەڵ سپای تێرۆریستیی پاسداران گۆڕیوە.
گۆڕینی ئەرک و شوێنی کاری هێزە چەکدارەکان کە لە ڕۆژی یەکشەممە ١٧ی ڕەزبەرەوە لە هیندێک ناوچەی کوردستان خراوەتە جێبەجێ‌کردنەوە، لەو ترسەی ڕێبەرانی ڕێژیمەوە دێ کە لە ئەگەری قووڵبوونەوەی ناڕەزایەتی و خۆپیشاندانەکاندا هێزە ئینتیزامییەکان و هەنگی سنوور دەست نەکەنەوە.
نادڵنیایی ڕێبەرانی ڕێژیم بە ئەڕتەش و هێزە ئینتیزامییەکان لە سەرکوتی خەڵک لە خۆپێشاندانەکانی پێشووشدا بیندراوە، وەک چۆن سەرکوتی ناڕەزایەتییەکانی خوێندکاران لە ساڵی ٧٨ و سەرکوتی بەشی زۆری خۆپیشاندانەکانەکانی ٩٦ و ٩٨ بە سپای تێرۆریستیی پاسداران سپێردرا.
