ڕۆژی پێنجشەممە ٦ی سەرماوەزی ١٤٠٤، لەلایەن ئەنجومەنی چرۆی ژیان و هیوای زانست لە شاری سەقز و بە بەشداری سێمینارێکی زانستی بە بەشداریی کۆمەڵێکی بەرچاو لە ئەدەبدۆستان و هۆگرانی شێعر و وێژەی کوردی لە کتێبخانەی هیوای زانستی سەقز بەڕێوە چوو.
ئەم سێمینارە زانستییە لە شوێنەکانی وەک: گەڕەکی نەشمیلان، پارکی نەشمیلان، کتێبخانەی زانست و ئەنجومەنی چرۆی ژیان و هیوای زانستی سەقز بەڕێوە چوو.
بابەتی ئەم سێمینارە لێکدانەوەیەکی چەن ڕەهەندی لە ئەدەبیات لەسەر ئەزموونە ئەدەبییەکانی مامۆستا جەلال مەلەکشا بوو کە لەلایەن وتار بێژان مەسعوود بینەندە، ڕەهبەر مەحموودزادە و حیسام(هیوا)خاکپوورەوە بەڕێوە چوو.
دوکتور مەسعود بینەندەوە لە پانێلی یەکەمدا لەژێر سەردێڕی "تراژێدیای مێژوو و مێژووی تراژێدیا" شێعرەکانی مامۆستا جەلال مەلەکشای و شی کردنەوە و ئاماژەی بەوە دا کە لایەنی سەرەکیی شێعرەکانی مەلەکشا لە چوارچێوەی دیاردەیەکدا بەناوی تراژێدیا نووسراوەتەوە. ناوبراو پێی وابوو کە شێعرەکانی مامۆستا تەنیا بەرهەمی خەیاڵی شاعێر نین و لە ئاکامی ململانێیێکی فەرهەنگی و کۆمەڵایەتیدا دروست بوون کە دروستە بەناوی جەلالی مەلەکشاوەیە بەڵام خاوەنەکەی کۆمەڵگەی کوردییه. ناوبراو پێی وابوو کە ئەگەرچی تراژێدیا و کارەسات کلیل واژەی زۆربەی شێعرەکانی جەلال مەلەکشان بەڵام لە هەمان کاتدا یەکگرتوویی بە ڕەمزی تێپەڕبوون لە کارەسات و سەرکەوتن بەرەو ئامانجەکانی نەتەوەکەی دەزانێ. کۆتا باسەکەی ناوبراو خوێندنەوەی چەندین بەرهەمە شێعری مامۆستا مەلەکشا بوو.
دوکتور هیوا خاکپوور لە پانێلی دووهەمدا وتی: ئێمە پێش ئەوەی باس لە هیوا بکەین، پێویستیمان بە جۆرێک لە خەمڵاندنی بوونناسی هیوامەندانەیە کە لە عەینی ئەوەدا کە دەزانین دەورووبەرمان تاریکییه و هەر بە تەعبیری مامۆستا جەلال مەلەکشا "چوار تەنیشتی لێ تەنیوم خێڵی بەدڕەفتاری شەو" پێویستیمان بە جۆرێک لە ئەندیشەوەرزی، جۆرێک لە وەگەڕخستنی فەلسەفەیەکی کوردستانییه کە هیواکان جومگەبەندی بکات و بە خەڵک بڵێ بە چ هیوایەکەوە ئەبێ بژین و بە چ هیوایەکەوە درێژە بە بەرخۆدان بدەین. ناوبراو لە درێژەدا ئاماژەی بەوە دا کە جەلال مەلەکشا خۆی بە تەنیا دەبێتە داینامۆی ڕاچڵەکانی مرۆڤی کورد دژ بە نەزمی باو و شێعر بۆ مەلەکشا مێکانیزمێکە کە تەنگژە بۆ مەعریفەی ئێرانی بە نیسبەتی ئەو کەسانەوە درووست دەکات کە بەجۆرێک گرێدراوی ئەو بوارەن.
دوکتور ڕەهبەر مەحموودزادە لە پانێلی سێهەمدا ئاماژەی بەوە دا کە شێعری مامۆستا دروازەی ناسین و چوونە ناو شێعر و وێژەی کوردی بووە بۆ خودی خۆی بووە. د. ڕەهبەر پێی وابوو کە مەلەکشا شاعیرێکی چەند ڕەهەندییه و بەر لەوەی باسی جەلال مەلەکشا بکەین دەبێ ڕوونی بکەینەوە کامە لایەنی ئەدەبی ناوبراومان مەبەستە، چون جیا لەوەی لە شێعرەکانیدا، شاعرێکی چەند ڕێچکەییە و گرێدراوی ڕێچکەیێکی تایبەت نییه، بەڵکوو تەنیا بە شێعریش نەوەستاوە و لە چیرۆک و ڕەخنەگریی ئەدەبیشدا چیرۆکنووس و ڕەخنەگرێکی لێزان و کارامەیە. درێژەی باسەکەی ناوبراو، باسێکی زانستی پاراو لەسەر فۆڕم و ناوەڕۆکی بەرهەمەکانی جەلال مەلەکشا بوو کە پێشوازیێکی بێوێنەی لێ کرا.
سێمینارەکە بە پرسیار و تێبینی بەشدار بووان و وەڵامی کۆڕگێڕەکان کۆتایی پێ هات.
