كوردستان میدیا: سكرتێری گشتیی حیزبی دێمۆكراتی كوردستانی ئێران لەگەڵ شاندی كەمپەینی ئازاد كردنی بەڕێز ئۆجەلان كۆبۆوە و نامەی ئازاد كردنی ئەو رێبەرە سیاسیە دەسبەسەركراوەی واژۆ كرد.
بەپێی هەواڵی ماڵپەڕی كوردستان میدیا، سەر لەبەیانی رۆژی پێنج‌شەممە رێكەوتی ١٦ی جۆزەردان شاندێكی كەمپەینی كۆكردنەوەی واژۆ بۆ ئازاد كردنی رێبەری پارتی كرێكارانی كوردستان، بەسەرپەرستی كاوە نادر سەردانی دەفتەری سیاسیی حیزبی دێمۆكراتیان كرد.
ئەو شاندە بەمەبەستی كۆكردنەوەی واژۆ بۆ ئازاد كردنی بەڕێز ئۆجەلان سەردانی دەفتەری سیاسیی حیزبی دێمۆكراتیان كرد و ئەو داواكاریی و هەوڵە لەلایەن بەڕێز مستەفا هیجری سكرتێری گشتیی حیزبی دێمۆكراتەوە بایەخی پێدرا و نامەكەی واژۆ كرد.
بەڕێز هیجری وێڕای واژۆ كردنی بەڵگەكە وتیشی: واژۆ كردنی ئەم بەڵگەیە ئەركی نەتەوەیی و نیشتمانی هەموو مرۆڤێكی ئازادیخواز و نیشتمانپەروەری كوردە و بەتایبەت ئەو كەسانەی كە ئۆگری ئازادی و مرۆڤایەتین.
رێزدار هیجری وتیشی: پشتیوانی لەو نامەیە، رێز گرتنە لە زیندانیانی سیاسیی و بەرز نرخاندنی خەبات و تێكۆشانیانە و هیواشی خواست ئەو هەوڵە مرۆڤ دۆستانەیە ئامانجی خۆی بپێكێ.
سكرتێری گشتیی حیزبی دێمۆكرات وتیشی: لەم بارودۆخە هەستیارەدا كە پڕۆسەی ئاشتی pkk لەگەڵ دەوڵەتی توركیەدا لە ئارادایە، پێویستە دەوڵەتی توركیە بۆ نیشاندانی نیەتی خێر بۆ چارەسەری پرسی كورد رێز لەئیرادەی ئەو خەڵكە بگرێ‌و منیش بەو نیەتە خێرە و ئازاد كرانی ئەو رێبەرە سیاسییە ئەو بەڵگەیەم واژۆ كردووە.
بەپێی هەواڵی ماڵپەڕی كوردستان میدیا، سەر لەبەیانی رۆژی پێنج‌شەممە رێكەوتی ١٦ی جۆزەردان شاندێكی كەمپەینی كۆكردنەوەی واژۆ بۆ ئازاد كردنی رێبەری پارتی كرێكارانی كوردستان، بەسەرپەرستی كاوە نادر سەردانی دەفتەری سیاسیی حیزبی دێمۆكراتیان كرد.
ئەو شاندە بەمەبەستی كۆكردنەوەی واژۆ بۆ ئازاد كردنی بەڕێز ئۆجەلان سەردانی دەفتەری سیاسیی حیزبی دێمۆكراتیان كرد و ئەو داواكاریی و هەوڵە لەلایەن بەڕێز مستەفا هیجری سكرتێری گشتیی حیزبی دێمۆكراتەوە بایەخی پێدرا و نامەكەی واژۆ كرد.
بەڕێز هیجری وێڕای واژۆ كردنی بەڵگەكە وتیشی: واژۆ كردنی ئەم بەڵگەیە ئەركی نەتەوەیی و نیشتمانی هەموو مرۆڤێكی ئازادیخواز و نیشتمانپەروەری كوردە و بەتایبەت ئەو كەسانەی كە ئۆگری ئازادی و مرۆڤایەتین.
رێزدار هیجری وتیشی: پشتیوانی لەو نامەیە، رێز گرتنە لە زیندانیانی سیاسیی و بەرز نرخاندنی خەبات و تێكۆشانیانە و هیواشی خواست ئەو هەوڵە مرۆڤ دۆستانەیە ئامانجی خۆی بپێكێ.
سكرتێری گشتیی حیزبی دێمۆكرات وتیشی: لەم بارودۆخە هەستیارەدا كە پڕۆسەی ئاشتی pkk لەگەڵ دەوڵەتی توركیەدا لە ئارادایە، پێویستە دەوڵەتی توركیە بۆ نیشاندانی نیەتی خێر بۆ چارەسەری پرسی كورد رێز لەئیرادەی ئەو خەڵكە بگرێ‌و منیش بەو نیەتە خێرە و ئازاد كرانی ئەو رێبەرە سیاسییە ئەو بەڵگەیەم واژۆ كردووە.
