کوردستان میدیا: فەرماندەی گشتیی سپای پاسدارانی ڕێژیم وێڕای هێرش کردنە سەر ئێمانۆئێل ماکڕۆن ڕایگەیاند؛ پرسی چەک‌وچۆڵی حیزبوڵا و مووشەکەکانی ئێران بۆ وتووێژ کردن نابن.
سەرلەبەیانی رۆژی پێنج‌شەممە ڕیکەوتی ٢ی سەرماوەز، موحەممەدعەلی جەعفەری فەرماندەی گشتی سپای تێرۆریستی پاسداران لە پڕێس کۆنفڕانسێکدا سەبارەت بە بارودۆخی ناوچە ڕایگەیاند: پرسی چەک‌وچۆڵەکانی حیزبوڵا و مووشەکی بالستیکی ئێران بۆ مشت‌ومڕ و وتووێژ کردن نابن.
ناوبراو هەروەها ڕوو لە سەرکۆماری فەڕانسە، بەسوکایەتییەوە، وتوویەتی: ماکڕۆن لاوێکی بێ‌ئەزموون و ناکامڵە و قسەکانی جێگەی گلەیی نین؛ ئەمەش دوای دێتە ئاراوە کە ماکڕۆن چەند ڕۆژ پێش ئیستا گووتبووی: بەرنامە مووشەکییەکانی ئێران مەترسییەکی جیددین بۆ سەر ناوچەی ڕۆژهەڵاتی ناڤین.
پاسدار جەعفەری هەروەها هێرشی کردە سەر ئیسرائیل و ڕایگەیاند: بەبڕوای ئێمە بوونی حیزبوڵایەکی چەکدار گرینگی تایبەتی خۆی هەیە؛ شوناسی حیزبوڵا بە چەکەکەیەتی و چییەتی حیزبوڵا بریتییە لە ڕووبەڕووبوونەوە لەگەڵ ئیسڕائیل کە دوژمنی سوێندخواردوویە کەواتە باس کردن لە چەک‌وچۆڵەکانی حیزبوڵا و مووشەکەکانی ئێمە پرسێکی بێ‌ئەنجامە.
سەبارەت بە سوریەش ناوبراو ڕایگەیاندووە: تەنانەت پاش تەواوبوونی شەڕ لە سوریەش سپا لەوێدا دەمێنێتەوە و درێژە بە چالاکییەکانی دەدات.
لە چەند ساڵی ڕابردوودا و لە چوارچێوەی دۆکتۆرینی هیلالی شیعی، کۆماری ئیسلامی بە کەڵکاژۆوەرگرتن لە دۆخی شپرزەی ناوچە دەسەڵاتی خۆی لە چەندین وڵاتی وەک عێراق و سوریە و یەمەن زیاتر کردووە کە ئەم مەسەلە نیگەرانی و ناڕەزایەتی وڵاتانی ناوچە و جیهانی لێکەوتۆتەوە.
یەکێک لە ئامانجە دێرینەکانی ڕێژیم، کە بۆ خۆشیان نەیانشاردۆتەوە، لەنێوبردنی وڵاتی ئیسرائیلە؛ ئەمەش تەنیا کاتێک جێبەجێ دەکرێت کە کۆنترۆڵی تەواوی وڵاتانی ناوچە بەتایبەت سوریە و عێراق بکەوێتە دەست تاران.
هەر لەم چوارچێوەشدا بوو کە ماوەیەک پیش ئێستا سەعد حەریری سەرۆک‌وەزیرانی لوبنان دەستی لە کار کیشایەوە و ڕایگەیاند: کە ناتوانێ بەهۆی دەستێوەردانەکانی کۆماری ئیسلامی لە وڵاتەکەی درێژە بە کارەکانی بدات.
سەرلەبەیانی رۆژی پێنج‌شەممە ڕیکەوتی ٢ی سەرماوەز، موحەممەدعەلی جەعفەری فەرماندەی گشتی سپای تێرۆریستی پاسداران لە پڕێس کۆنفڕانسێکدا سەبارەت بە بارودۆخی ناوچە ڕایگەیاند: پرسی چەک‌وچۆڵەکانی حیزبوڵا و مووشەکی بالستیکی ئێران بۆ مشت‌ومڕ و وتووێژ کردن نابن.
ناوبراو هەروەها ڕوو لە سەرکۆماری فەڕانسە، بەسوکایەتییەوە، وتوویەتی: ماکڕۆن لاوێکی بێ‌ئەزموون و ناکامڵە و قسەکانی جێگەی گلەیی نین؛ ئەمەش دوای دێتە ئاراوە کە ماکڕۆن چەند ڕۆژ پێش ئیستا گووتبووی: بەرنامە مووشەکییەکانی ئێران مەترسییەکی جیددین بۆ سەر ناوچەی ڕۆژهەڵاتی ناڤین.
پاسدار جەعفەری هەروەها هێرشی کردە سەر ئیسرائیل و ڕایگەیاند: بەبڕوای ئێمە بوونی حیزبوڵایەکی چەکدار گرینگی تایبەتی خۆی هەیە؛ شوناسی حیزبوڵا بە چەکەکەیەتی و چییەتی حیزبوڵا بریتییە لە ڕووبەڕووبوونەوە لەگەڵ ئیسڕائیل کە دوژمنی سوێندخواردوویە کەواتە باس کردن لە چەک‌وچۆڵەکانی حیزبوڵا و مووشەکەکانی ئێمە پرسێکی بێ‌ئەنجامە.
سەبارەت بە سوریەش ناوبراو ڕایگەیاندووە: تەنانەت پاش تەواوبوونی شەڕ لە سوریەش سپا لەوێدا دەمێنێتەوە و درێژە بە چالاکییەکانی دەدات.
لە چەند ساڵی ڕابردوودا و لە چوارچێوەی دۆکتۆرینی هیلالی شیعی، کۆماری ئیسلامی بە کەڵکاژۆوەرگرتن لە دۆخی شپرزەی ناوچە دەسەڵاتی خۆی لە چەندین وڵاتی وەک عێراق و سوریە و یەمەن زیاتر کردووە کە ئەم مەسەلە نیگەرانی و ناڕەزایەتی وڵاتانی ناوچە و جیهانی لێکەوتۆتەوە.
یەکێک لە ئامانجە دێرینەکانی ڕێژیم، کە بۆ خۆشیان نەیانشاردۆتەوە، لەنێوبردنی وڵاتی ئیسرائیلە؛ ئەمەش تەنیا کاتێک جێبەجێ دەکرێت کە کۆنترۆڵی تەواوی وڵاتانی ناوچە بەتایبەت سوریە و عێراق بکەوێتە دەست تاران.
هەر لەم چوارچێوەشدا بوو کە ماوەیەک پیش ئێستا سەعد حەریری سەرۆک‌وەزیرانی لوبنان دەستی لە کار کیشایەوە و ڕایگەیاند: کە ناتوانێ بەهۆی دەستێوەردانەکانی کۆماری ئیسلامی لە وڵاتەکەی درێژە بە کارەکانی بدات.
