Kurdistanmedia:  Pirtûka bi navê “Peydakirina Kurdistanê” (Finding Kurdistan), ku “Hewrê Hedadî” nivîsiye, hate çap û belavkirin.

Pirtûka “Finding Kurdistan”,  li sala 2018`an li Amerîkayê hate çap û belavkirin.

Nivîserê vê pirtûkê piştî heyama çend salan hewl û mandîbûnê, ezmûn û dîtingeha xwe ya  derheq Kurdistanê û bi taybet Kurdistana Rojhilat, di 212 rûpelî de, bi zimanê îngilzî bo hevwelatiyên Amerîka û hemû welatên îngilîzîziman bas kiriye.

 Ev pirtûka ji du beşên cuda pêk hatiye, wekî: Kurd kê ne û di çi welatan de jiyan dikin, kultur û çand a wan çî ye? Herwisa  ev welatane bi çi awayî digel wan reftarê dikin?

 Beşa duyem jî, wekî ku Kurd dibêje: “Min çi dîtiye û çi nedîtiye, ya nivîserê pirtûkê ye, ku serdana hejmarek bajarên Kurdistana Rojhilat yên wekî , Bokan, Mehabad, Serdeşt û Bane kiriye, û wekî serfernameyekê bas ji rewşa Îranê û bi taybet Kurdistan kiriye, ku di çi rewşeke xirab de jiyan dikin, û herwisa nivîser îşare bi arîşeyên jinan û rewşa derbaziya jinan û nebûna edaletê kiriye ku bi ser wan de sepandine.

 Herwisa di beşeke din a vê pirtûkê de nivîser bas  ji ezmûnên xwe dike ku, di bajarê Bokanê de xwe û malbata wî ji aliyê îtila`atê ve bi tawana sîxorîkirin bo Amerîkayê hatibûne destbiserkirin, û dihatne azar û îşkencekirin.

 Bi awayê giştî merema wî nivîserî, ji belavkirina vê pirtûkê, nasandina gelê Kurd ji xelkê Amerîkayê re ye, ku gelê Kurd ji hemû  maf û azadiyekî bêpar in.

“Hewrê Hedadî”, bawerînameya  masteriyê ji zanîngeha “Boston”ê wergirtiye, li sala 1995`an, li çiyayên li ser sînorên  di navbera sînorê Kurdistana Rojhilat û Kurdistana Başûr, ji dayîk bûye, û dê û bavê navbirî bi sedema endambûn û tevlîbûna di nav refên pêşmergeyên Partiya Demokrat de, bi neçarî li sala 1997`an, bo Amerîkayê koçber bûne.