کوردستان میدیا: هاووڵاتییانی گوندی نێــی مەریوان، لە بەرەبەری نەورۆز و دەسپێکی ساڵی نوێی کوردی، خەریکی بەڕێوەبردنی ڕێوڕەسمی نەورۆز بوون، کە لە لایەن چڵکاوخۆر و بەکرێگیراوەکانی ڕێژیمەوە هێرش کرایە سەریان.
بەپێی هەواڵی گەیشتوو بە مالپەڕی کوردستان میدیا، ئێوارەی ڕۆژی سێشەممە ڕێکەوتی ٢٩ی ڕەشەمە، چەکدارانی ڕێژیم هێرشیان کردە سەر گوندی نێــی مەریوان و پێشیان بە بەڕێوەچوونی جێژنی نەورۆز لەو گوندە گرت.
سەرچاوەیەکی ئاگادار لەو بارەوە ڕایگەیاند: لە ئەنجامی ئەم هێرشەدا بۆ سەر گوندی نێ، شەڕ و تێکهەڵچوون لە نێوان گۆپاڵ بەدەستان و خەڵکی ئەو گوندە هاتە ئاراوە و هێزەکانی ڕێژیم دەستیان کرد بە تەقەی هەوایی و لە گازی فرمێسکڕێژ بۆ بڵاوەکردنی خەڵک کەڵکیان وەرگرتووە.
هەروەها سەرلەبەیانی ڕۆژی دواتر، ١ی خاکەلێوە، هێزە حکوومەتییەکان جارێکی دیکە هێرشیان کردە سەر گوندی نێ و دەستیان کرد بە گرتن و تەقەکردن و کەلک وەرگرتن لە گازی فرمێسکڕێژ کە لە ئەنجامدا چەند شووشەی ماڵێک شکان و چەند منداڵیش بە گازی فرمێسکڕێژ بریندار کران.
هەروەها سێ هاووڵاتیی خەڵکی گوندی نێ بە ناوەکانی حەمید، محەممەد و مەحموود دەستبەسەر و بۆ شوێنێکی نادیار ڕاگوێزراون.
هەر لەو پەیوەندییەدا، مامۆستا و پێشنوێژی گوندی نێ لە بانگەوازێکدا داوای بەرگریی لە خەڵکی ئەو گوندە کردووە، کە بەرگری لە خۆیان بکەن و ئەم هێرشەی هێزە حکوومەتییەکانی بە دەستدرێژی بۆ سەر نامووسیان لە قەڵەم داوە.
بەپێی هەواڵی گەیشتوو بە مالپەڕی کوردستان میدیا، ئێوارەی ڕۆژی سێشەممە ڕێکەوتی ٢٩ی ڕەشەمە، چەکدارانی ڕێژیم هێرشیان کردە سەر گوندی نێــی مەریوان و پێشیان بە بەڕێوەچوونی جێژنی نەورۆز لەو گوندە گرت.
سەرچاوەیەکی ئاگادار لەو بارەوە ڕایگەیاند: لە ئەنجامی ئەم هێرشەدا بۆ سەر گوندی نێ، شەڕ و تێکهەڵچوون لە نێوان گۆپاڵ بەدەستان و خەڵکی ئەو گوندە هاتە ئاراوە و هێزەکانی ڕێژیم دەستیان کرد بە تەقەی هەوایی و لە گازی فرمێسکڕێژ بۆ بڵاوەکردنی خەڵک کەڵکیان وەرگرتووە.
هەروەها سەرلەبەیانی ڕۆژی دواتر، ١ی خاکەلێوە، هێزە حکوومەتییەکان جارێکی دیکە هێرشیان کردە سەر گوندی نێ و دەستیان کرد بە گرتن و تەقەکردن و کەلک وەرگرتن لە گازی فرمێسکڕێژ کە لە ئەنجامدا چەند شووشەی ماڵێک شکان و چەند منداڵیش بە گازی فرمێسکڕێژ بریندار کران.
هەروەها سێ هاووڵاتیی خەڵکی گوندی نێ بە ناوەکانی حەمید، محەممەد و مەحموود دەستبەسەر و بۆ شوێنێکی نادیار ڕاگوێزراون.
هەر لەو پەیوەندییەدا، مامۆستا و پێشنوێژی گوندی نێ لە بانگەوازێکدا داوای بەرگریی لە خەڵکی ئەو گوندە کردووە، کە بەرگری لە خۆیان بکەن و ئەم هێرشەی هێزە حکوومەتییەکانی بە دەستدرێژی بۆ سەر نامووسیان لە قەڵەم داوە.