کوردستان میدیا: سەرکۆماری فەڕانسە، داوای چەک کردن و هەڵوەشاندنەوەی حەشدی شەعبی کردووە.
ئێمانۆئیل ماکرۆن، سەرکۆماری فەڕانسە، ڕۆژی شەممە ١١ی سەرماوەز لە پاریس، پێشوازی لە نێچیروان بارزانی کردووە و کۆمەڵێک پرسی گرینگیان بە نسبەت کێشەکانی نێوان هەرێمی کوردستان و بەغداد و دەستێوەردانەکانی ئێران باس کردووە.
ماکرۆن، پاش چاوپێکەوتنەکەی لەگەڵ نێچیروان بارزانی وتوویە: هیوادارم هەرچی زووتر وتووێژێکی نیشتمانی بە مەبەستی چارەسەریی کێشەکانی نێوان هەولێر و بەغداد دەست پێ بکات.
سەرکۆماری فەڕانسە، خوازیاری چەک کردن و هەڵوەشاندنەوەی تەواوی میلیشیاکانی سەر بە ئێران لە خاکی عێراق بووە و وتوویە: چەک کردن و هەڵوەشاندنەوەی هەموو میلیشیاکان و بەتایبەت حەشدی شەعبی کە بە زۆرینە لە شێعەکانی سەر بە ئێرانن، کارێکی گرینگ و سەرەکییە کە دەبێ لە کاتی خۆیدا ئەنجام بدرێت.
سەرۆکوەزیرانی هەرێمی کوردستان، لەو دانیشتنەدا ئامادەیی هەرێمی کوردستانی بۆ وتووێژ لەگەڵ بەغداد لەسەر بنەمای ڕێزدانان بۆ یاسای حکوومەتی فیدراڵ دەربڕیوە و وتوویە: کە هەرێمی کوردستان ئامادەیە بۆ چارەسەری کێشەکان ڕێگاچارەی گونجاو ببینێتەوە.
حەشدی شەعبی، ساڵی ٢٠١٤ و پاش کەوتنی مووسڵ لە٤٠ گرووپ کە زۆربەیان شێعە و سەر بە ڕێژیمی ئێرانن و لە قاسم سلێمانی و خامنەیی پەیڕەوی دەکەن، پێک هاتووە.
ئەم هێزە میلیشیاییە لە هێرشەکانی ئەم دواییانە بۆ سەر هەرێمی کوردستان ڕۆڵی سەرەکی گێڕاوە.
ئێمانۆئیل ماکرۆن، سەرکۆماری فەڕانسە، ڕۆژی شەممە ١١ی سەرماوەز لە پاریس، پێشوازی لە نێچیروان بارزانی کردووە و کۆمەڵێک پرسی گرینگیان بە نسبەت کێشەکانی نێوان هەرێمی کوردستان و بەغداد و دەستێوەردانەکانی ئێران باس کردووە.
ماکرۆن، پاش چاوپێکەوتنەکەی لەگەڵ نێچیروان بارزانی وتوویە: هیوادارم هەرچی زووتر وتووێژێکی نیشتمانی بە مەبەستی چارەسەریی کێشەکانی نێوان هەولێر و بەغداد دەست پێ بکات.
سەرکۆماری فەڕانسە، خوازیاری چەک کردن و هەڵوەشاندنەوەی تەواوی میلیشیاکانی سەر بە ئێران لە خاکی عێراق بووە و وتوویە: چەک کردن و هەڵوەشاندنەوەی هەموو میلیشیاکان و بەتایبەت حەشدی شەعبی کە بە زۆرینە لە شێعەکانی سەر بە ئێرانن، کارێکی گرینگ و سەرەکییە کە دەبێ لە کاتی خۆیدا ئەنجام بدرێت.
سەرۆکوەزیرانی هەرێمی کوردستان، لەو دانیشتنەدا ئامادەیی هەرێمی کوردستانی بۆ وتووێژ لەگەڵ بەغداد لەسەر بنەمای ڕێزدانان بۆ یاسای حکوومەتی فیدراڵ دەربڕیوە و وتوویە: کە هەرێمی کوردستان ئامادەیە بۆ چارەسەری کێشەکان ڕێگاچارەی گونجاو ببینێتەوە.
حەشدی شەعبی، ساڵی ٢٠١٤ و پاش کەوتنی مووسڵ لە٤٠ گرووپ کە زۆربەیان شێعە و سەر بە ڕێژیمی ئێرانن و لە قاسم سلێمانی و خامنەیی پەیڕەوی دەکەن، پێک هاتووە.
ئەم هێزە میلیشیاییە لە هێرشەکانی ئەم دواییانە بۆ سەر هەرێمی کوردستان ڕۆڵی سەرەکی گێڕاوە.
