کوردستان میدیا: چوونەسەرەوەی نرخی ئەرز لە ئێران بووەتە هۆی گرانی و گوشارەکان لەسەر خەڵک ڕۆژ بە ڕۆژ زیاتر دەبن.
نرخی دۆلار لە چەند ڕۆژی ڕابردوودا گەیشتە ئاستیک کە لە مێژووی بازاری ئەرز لە ئێران بێوێنە بووە و بازاڕی دراوی ئێرانی هەژاندووە بەچەشنێک کە ڕێژیم و بانکەکان نەیانتوانیوە تا ئێستە بازار کۆنترۆڵ بکەن.
گران بوونی نرخی دۆلار کاریگەری ڕاستەوخۆی داناوە لەسەر گرانبوونی پێداویستییەکانی خەڵک کە زۆربەیان لە دەرەوەی ئێران هاوردە دەکرێن و بازرگانان ناچارن بەو نرخە بازرگانی بکەن و کالاکانیان ڕەوانەی بازاڕ بکەن.
لە چەند ڕۆژی ڕابردوودا نرخی کەلوپەلە کامپیۆتێرییەکان، کەلوپەلی نێو ماڵ و خواردەمەنییە سەرەکییەکان وەکوو برنج و گۆشت و..هتد، زیاتر لە ٣٠ لەسەد گران بوونەتەوە.
هەروەها گرانی دۆلار، لەسەر سەنعەتی ئێران کاریگەری داناوە و زۆربەی کۆمپانیا سەنعەتییەکان لە ئێران، پێداویستییە سەرەکییەکانیان بۆ بەرهەمهێنان لە دەرەوە هاوردە دەکەن، بەم هۆیەوە تێچووی بەرهەمهێنان زیاتر بووە و کالاکانیان بە گرانتر ڕەوانەی بازار دەکەن.
کارناسانی ئابووری لەو باوڕەدان کە ئەگەر نرخی دۆلار کەم نەبێتەوە، بازرگانان زۆر کالا هاوردەی ئێران ناکەن و شرکەت و کۆمپانیاکانی بەرهەمهێنەر لە ئێران مایەپووچ دەبن و خاوەن شرکەتەکان ناچارن بەرهەمهێنان ڕابگرن.
شڵەژاوی بازاڕی ئەرز لە ئێران، لە لایەن ڕێژیمەوە تا ئێستا کۆنترۆڵ نەکراوە و سەرەڕای گرانی و گوشارەکان بۆ سەر خەڵک، فەزای ڕەوانی کۆمەڵگای ئێران بە تەواوەتی تێکچووە و خەڵک نیگەرانی داهاتوون.
نرخی دۆلار لە چەند ڕۆژی ڕابردوودا گەیشتە ئاستیک کە لە مێژووی بازاری ئەرز لە ئێران بێوێنە بووە و بازاڕی دراوی ئێرانی هەژاندووە بەچەشنێک کە ڕێژیم و بانکەکان نەیانتوانیوە تا ئێستە بازار کۆنترۆڵ بکەن.
گران بوونی نرخی دۆلار کاریگەری ڕاستەوخۆی داناوە لەسەر گرانبوونی پێداویستییەکانی خەڵک کە زۆربەیان لە دەرەوەی ئێران هاوردە دەکرێن و بازرگانان ناچارن بەو نرخە بازرگانی بکەن و کالاکانیان ڕەوانەی بازاڕ بکەن.
لە چەند ڕۆژی ڕابردوودا نرخی کەلوپەلە کامپیۆتێرییەکان، کەلوپەلی نێو ماڵ و خواردەمەنییە سەرەکییەکان وەکوو برنج و گۆشت و..هتد، زیاتر لە ٣٠ لەسەد گران بوونەتەوە.
هەروەها گرانی دۆلار، لەسەر سەنعەتی ئێران کاریگەری داناوە و زۆربەی کۆمپانیا سەنعەتییەکان لە ئێران، پێداویستییە سەرەکییەکانیان بۆ بەرهەمهێنان لە دەرەوە هاوردە دەکەن، بەم هۆیەوە تێچووی بەرهەمهێنان زیاتر بووە و کالاکانیان بە گرانتر ڕەوانەی بازار دەکەن.
کارناسانی ئابووری لەو باوڕەدان کە ئەگەر نرخی دۆلار کەم نەبێتەوە، بازرگانان زۆر کالا هاوردەی ئێران ناکەن و شرکەت و کۆمپانیاکانی بەرهەمهێنەر لە ئێران مایەپووچ دەبن و خاوەن شرکەتەکان ناچارن بەرهەمهێنان ڕابگرن.
شڵەژاوی بازاڕی ئەرز لە ئێران، لە لایەن ڕێژیمەوە تا ئێستا کۆنترۆڵ نەکراوە و سەرەڕای گرانی و گوشارەکان بۆ سەر خەڵک، فەزای ڕەوانی کۆمەڵگای ئێران بە تەواوەتی تێکچووە و خەڵک نیگەرانی داهاتوون.