کوردستان میدیا: بۆ شازدەهەمین ڕۆژی یەک لە دوای یەک مانگرتنەکانی شاری بانە لە حاڵی بەڕێوەچووندایە و ڕێژیمیش هیچ گرینگییەک بەم پرسە نادات.
بەپێی هەواڵی گەیشتوو بە ماڵپەڕی کوردستان میدیا، ئەمڕۆ دووشەممە ١٠ی بانەمەڕ، دوکانداران و بازاڕیانی مانگرتووی شاری بانە بۆ ١٦هەمین ڕۆژ بە داخستنی دوکان و بازاڕەکانی ئەو شارە، داوای جێبەجێ کردنی داخوازییەکانیان لە بەرپرسانی ڕیژیم کردووە.
مانگرتنی دوکانداران و بازاڕیانی شارەکانی کوردستان لە ڕۆژی یەکشەممە ٢٦ی خاکەلێوەوە، بۆ ناڕەزایەتی دەربڕین لەهەمبەر داخستنی بازاڕچە سنوورییەکان و زیادکردنی نرخی گومرکەکان دەستی پێکردووە.
ڕۆژی ڕابردوو، دوکانداران و بازاڕیانی شاری بانە کاتژمێر ٤و ٣٠ خولەک بە کۆبوونەوە و ڕاخستنی سفرەی بەتاڵ لە بەردەم بینای فەرمانداری ئەو شارە داوای جێبەجێ کردنی داخوازییەکانیان و کرانەوەی سنوورکانیان کرد.
لە کۆبوونەوەی بەردەم بینای فەرمانداری شاری بانەدا، دوکانداران و بازاڕییان بە هەڵگرتنی پلاکارتگەڵێک کە لە سەری نووسرابوو، کرانەوەی سنوورەکان، نان و کار و هەروەها بە دروشمی چیتان دەوێ هاووڵاتییان ڕۆیشتنی فەرماندار، داواکاری جێبەجێ کردنی داخوازییەکانیان بوون.
مانگرتووانی شاری بانە داوای پشتیوانییان لە هاووڵاتییانی کوردستانی ڕۆژهەڵات کردووە و ڕایانگەیاندووە کە لە هەموو شارەکانی کوردستاندا یەکگرتووانە کاتژمێر ٤و ٣٠ خولەکی هەموو ڕۆژێک بە کاتی مانگرتن بە ڕاخستنی سفرەی بەتاڵ لە بەردەم بینای فەرمانداری شارەکان کوردستانی ڕۆژهەڵات کۆببنەوە.
مانگرتنی دوکانداران و بازاڕیان شاری بانە لە کاتێکدا پێی نایە ١٦هەمین ڕۆژی خۆی کە پارێزگاری سنە داوای کرانەوەی دوکان و بازاڕەکانی کردبوو؛ هەروەها لەو ماوەیەدا، چەندین کەس لە بەرپرسانی باڵای وڵات و بەناو نوێنەرانی مەجلیسی ڕێژیم و تەنانەت ئەماکن و ئیتلاعات هەوڵی کردنەوەی زۆرەملی دووکانەکانیان داوە، بەڵام هەوڵەکانیان هەتا ئێستا بێئاکام بووە.
مانگرتنی دوکانداران و بازاڕییانی شارەکانی کوردستان بە تایبەت شاری بانە، درێژترین مانگرتنی کوردستانی ڕۆژهەڵات بووە؛ بە وتەی چالاکانی مەدەنی لە کوردستانی ڕۆژهەڵات، ئەم مانگرتنە مەدەنییە بە واتای سەپاندنی کەرامەتی مرۆیی بە سەر حکوومەتدایە.
بەپێی هەواڵی گەیشتوو بە ماڵپەڕی کوردستان میدیا، ئەمڕۆ دووشەممە ١٠ی بانەمەڕ، دوکانداران و بازاڕیانی مانگرتووی شاری بانە بۆ ١٦هەمین ڕۆژ بە داخستنی دوکان و بازاڕەکانی ئەو شارە، داوای جێبەجێ کردنی داخوازییەکانیان لە بەرپرسانی ڕیژیم کردووە.
مانگرتنی دوکانداران و بازاڕیانی شارەکانی کوردستان لە ڕۆژی یەکشەممە ٢٦ی خاکەلێوەوە، بۆ ناڕەزایەتی دەربڕین لەهەمبەر داخستنی بازاڕچە سنوورییەکان و زیادکردنی نرخی گومرکەکان دەستی پێکردووە.
ڕۆژی ڕابردوو، دوکانداران و بازاڕیانی شاری بانە کاتژمێر ٤و ٣٠ خولەک بە کۆبوونەوە و ڕاخستنی سفرەی بەتاڵ لە بەردەم بینای فەرمانداری ئەو شارە داوای جێبەجێ کردنی داخوازییەکانیان و کرانەوەی سنوورکانیان کرد.
لە کۆبوونەوەی بەردەم بینای فەرمانداری شاری بانەدا، دوکانداران و بازاڕییان بە هەڵگرتنی پلاکارتگەڵێک کە لە سەری نووسرابوو، کرانەوەی سنوورەکان، نان و کار و هەروەها بە دروشمی چیتان دەوێ هاووڵاتییان ڕۆیشتنی فەرماندار، داواکاری جێبەجێ کردنی داخوازییەکانیان بوون.
مانگرتووانی شاری بانە داوای پشتیوانییان لە هاووڵاتییانی کوردستانی ڕۆژهەڵات کردووە و ڕایانگەیاندووە کە لە هەموو شارەکانی کوردستاندا یەکگرتووانە کاتژمێر ٤و ٣٠ خولەکی هەموو ڕۆژێک بە کاتی مانگرتن بە ڕاخستنی سفرەی بەتاڵ لە بەردەم بینای فەرمانداری شارەکان کوردستانی ڕۆژهەڵات کۆببنەوە.
مانگرتنی دوکانداران و بازاڕیان شاری بانە لە کاتێکدا پێی نایە ١٦هەمین ڕۆژی خۆی کە پارێزگاری سنە داوای کرانەوەی دوکان و بازاڕەکانی کردبوو؛ هەروەها لەو ماوەیەدا، چەندین کەس لە بەرپرسانی باڵای وڵات و بەناو نوێنەرانی مەجلیسی ڕێژیم و تەنانەت ئەماکن و ئیتلاعات هەوڵی کردنەوەی زۆرەملی دووکانەکانیان داوە، بەڵام هەوڵەکانیان هەتا ئێستا بێئاکام بووە.
مانگرتنی دوکانداران و بازاڕییانی شارەکانی کوردستان بە تایبەت شاری بانە، درێژترین مانگرتنی کوردستانی ڕۆژهەڵات بووە؛ بە وتەی چالاکانی مەدەنی لە کوردستانی ڕۆژهەڵات، ئەم مانگرتنە مەدەنییە بە واتای سەپاندنی کەرامەتی مرۆیی بە سەر حکوومەتدایە.