کوردستان میدیا: دانیشتوانی گوندی بەرەزانی سەبەناوچەی مەرگەوەڕی ورمێ ماوەی چەند مانگێکە لە کردەوەکانی مەلای ئایینی ئەو گوندە ناڕەزایەتیان دەربڕیوە خەڵکی ئە گوندە داوایان لەو مەلایە کردووە بەڵام مەلا بە هۆی پشتیوانی چەند کەس لە بەسیجەکان، ئەو گوندە بەجێ ناهێڵێت.

بەپێی راپۆرتی ماڵپەڕی کوردستان میدیا، ماوەی چەند مانگێکە کە دانیشتوانی گوندی بەرەزان لە کردەوەکانی مەلای ئایینی ئەو گوندە ناڕەزایەتیان دەربڕیوە کە کێشەی لە نێوان خەڵک دروست کردووە و خەڵکی ئاواییش دوایان کردووە کە مەلا ئەو گوندە بەجێ بهێڵێت بەڵام ئەو مەلایە بە هۆی پشتیوانی چەند کەس لە بەسیجەکانی ئەو گوندە ئامادە نەبووە داوای خەڵک جێبەجێ بکات و لە ئەنجامدا دەرکی ئەو مزگەوتە لەلایەن هێزەکانی رێژیمەوە داخرا.

سەرچاوەیەکی ئاگادار بە هەواڵنێری کوردستان میدیای راگەیاند کە ئەم کاره‌ش چه‌ند جار بووه‌تە هۆی شه‌ڕ و تێکهه‌ڵچوون له‌نێوان خه‌ڵک و لایه‌نگرانی مه‌لای ئایینی ئەو گوندە و خه‌ڵک به‌ناچار په‌نا ده‌به‌ن بۆ کاربه‌ده‌ستانی رێژیم ئیسلامیی ئێران و شورای رۆحانییه‌ت ، به‌ڵام کاربه‌ده‌ستانی ناوچه‌و شورای رۆحانییه‌ت به‌ئاشکرا پشتیوانی له‌مه‌لا  و له‌مانه‌وه‌ی له‌گۆندی به‌ره‌زان ده‌که‌ن و به‌خه‌ڵک ده‌ڵێن مه‌لا که‌سێکی سه‌ر به‌ئێمه‌یه‌و دژایه‌تی کردنی به‌مانای دژایه‌تی له‌گه‌ڵ نیزامه‌.
خەڵک له‌مه‌به‌ستی کاربه‌ده‌ستانی رێژیم تێده‌گه‌ن که‌وه‌ک هه‌میشه‌ساز کردنی شه‌ڕ و کیشه‌و دووبه‌رکی نانەوە‌له‌نێو خه‌ڵکدایە هه‌تا بتوانن به‌ قازانجی خۆیان که‌ڵک له‌و دووبه‌رکییە وه‌ربگرن، هه‌ر بۆیه‌بریار ده‌ده‌ن له‌ماڵه‌کانی خۆیان ر‌ێوڕه‌سمی ئایینی به‌ڕێوه‌به‌رن.
لە ئەنجامدا رۆژی شەممە رێکەوتی ٢٠ی به‌فرانباری ١٣٩٣ی هەتاوی هێزێکی بەرچاوی رێژیم ده‌ڕژێنه‌نێو گوندی به‌ره‌زان و مزگه‌وتی ئه‌م گونده‌داده‌خه‌ن.
له‌و په‌یوه‌ندییه‌دا داوا له‌خه‌ڵکی به‌ره‌زان ده‌که‌ین ئارامی گونده‌که‌یان بپارێزن و له‌و داوه‌نه‌که‌ون که‌رێژیم و به‌کرێگیراوانی دایانناوه‌تەوە، هه‌روه‌ها پێویسته‌ وه‌بیر مه‌لای گوندی به‌ره‌زان بخه‌ینه‌وه‌که‌ئه‌رکی مامۆستای ئایینی زۆر پیرۆزه‌و یه‌کێک له‌ئه‌رکه‌کانی پێشگرتنه‌له‌کێشه‌و ئیختلاف له‌نێو خه‌ڵکدا نه‌ک دروستکردنی دووبه‌ره‌کی و ئاژاوە.