فەرهەنگووس و زمانزانی شائابادی "ئاکۆ جەلیلیان" ماوەی حەوتەیەکە دەسبەسەرە و لە چارەنووسی ئەو نووسەرە هیچ زانیارییەک لە بەردەستدا نیە.
ئاکۆ جەلیلیان خاوەنی فەرهەنگی گرینگی کوردیکا ڕۆژی ٢٤ی سەرماوەزی ٩٨ی هەتاوی بە هۆکاری ئەمنیەتی لە ماڵەکەی خۆی لە کرماشان دەسبەسەر و بۆ شوینێکی نادیار گوازراوەتەوە.
بەوتەی سەرچاوەیەکی ئاگادار ئەو هێزانە سەرەڕای پشکنینی ماڵی ناوبراو لاپتاپ، کتێب، تەلەفۆن و کەلوپەلی شەخسی ناوبراویان لەگەڵ خۆیاندا بردووە.
شایانی باسە " ئاکۆ جەلیلیان" نووسەری فەرهەنگی پێڕستی وشەکانی باشوور، کۆی پێنج بەرگی " زەڕینە و سیمینە، تاریکخانە و کۆمەڵە چیرۆکی ڕەنگامە و ڕۆمانی ئاگر مەلووچ" و خەریکی نووسینی گەورەترین فەرهەنگنامەی کوردییە.
جێی‌‌ئاماژەیە بەشێکی بەرچاو لە چالاکانی مەدەنی و فەرهەنگی نێوخۆی ولات و دەرەوەی کوردستان نیگەرانی چارەنووسی ئاکۆ جەلیلیان و خوازیاری ئەوەن کە لە زووترین کات، ئازاد ببێ.
لەماوەی حەوتەی ڕابردوودا لە لایەن ئیتلاعاتی سپای پاسدارانی کرماشان بەشێک لە چالاکانی فەرهەنگی و ئەدەبی شاری شائاباد و کرماشان دەسبەسەر کراون.
