کوردستان میدیا: ڕێکخراوی جەیشولعەدڵ بە دەرکردنی بەیاننامەیەک، کوژرانی زیاتر لە ١٠ کەس لە هێزەکانی ڕێژیمی لە شاری نیکشەهری سیستان و بەلووچێستان بەئەستۆ گرت.
بەپێی ئەو ڕاپۆرتانەی کە بڵاو بوونەتەوە، ڕێکخراوی جەیشولعەدڵ زیاتر لە ١٠ کەس لە هێزەکانی ڕێژیمی لە دوو بۆسەی جیادا، لە سەر ڕێگای گوندی کەهیر ی بەخشی چانفی نیکشەهر لە پارێزگای سیستان و بەلووچێستان کوشتووە.
ڕاگەیاندنەکانی سەر بە ڕێژیم، ڕێژەی کوژراوەکانیان بە ٣ کەس ڕاگەیاندووە، بەڵام ڕێکخراوی جەیشولعەدڵ ئەو هەواڵەی بەدرۆ خستووەتەوە.
ڕێکخراوی جەیشولعەدڵ لە دووتوێی بەیاننامەیەکدا کە لە وێبلاگی فەرمیی خۆیاندا بڵاویان کردووەتەوە، بەرپرسایەتی ئەو هێرشەی بەئەستۆ گرتووە و ڕایگەیاندووە کە ڕێکخراوی جەیشولعەدڵ جارێکی دیکە هۆشدار دەدات کە هێرشەکان هەتا بە ئاکام گەیشتنی بەدەستەوە گرتنی دەسەڵاتی بەلووچێستان درێژەی دەبێ و هێزە تاوانبارەکان بزانن کە ئەگەر ناوچەکە بەجێ نەهێڵن و سیستمی ئیداریی و نیزامیی بەلووچێستان نەگەڕێننەوە بۆ خەڵکی بەلووچ، لە هیچ شوێنێکی بەلووچێستان پارێزراو نابن و بەلووچێستان دەبێتە زەلکاوی هێزەکانی ڕێژیم.
لە بەشێکی دیکەی ئەو بەیاننامەیەدا هاتووە؛ دژکردەوەی ئێمە بە نیسبەت کوشتنی بێسەروبەرە و سەرەڕۆیانە و هەروەها دەستبەسەرکردنی سەرەڕۆیانەی هاووڵاتیانی بێتاوانی بەلووچ توند دەبێت و ڕادەگەیەنین کە دەستبەسەر و کوشتنی سەرەڕۆیانەی لاوانی بەلووچ و سوننە مەزهەب هیچکات کاریگەریی نەرێنی لەسەر ڕەهەندە نیزامیی و ڕێکخراوەییەکانی ئێمە دانانێت، کەوابوو ڕێژیم بە دەستبەسەرکردنی سەرەڕۆیانە و کوشتنی لاوان و کەسانی ئایینی بەلووچ، دەبێ چاوەڕوانی دژکردەوەی توندتر بێت.
ڕێژیمی بەناو ئیسلامیی ئێران، بەردەوام ئەو گرووپانەی کە خۆیان بە داکۆکیکاری مافەکانی خەڵکی سیستان و بەلووچێستان دەناسێنن و بۆ وەدیهێنانی ئەو مافانە چالاکی دەکەن، بە تیرۆریست ناو دەبات.
بەپێی ئەو ڕاپۆرتانەی کە بڵاو بوونەتەوە، ڕێکخراوی جەیشولعەدڵ زیاتر لە ١٠ کەس لە هێزەکانی ڕێژیمی لە دوو بۆسەی جیادا، لە سەر ڕێگای گوندی کەهیر ی بەخشی چانفی نیکشەهر لە پارێزگای سیستان و بەلووچێستان کوشتووە.
ڕاگەیاندنەکانی سەر بە ڕێژیم، ڕێژەی کوژراوەکانیان بە ٣ کەس ڕاگەیاندووە، بەڵام ڕێکخراوی جەیشولعەدڵ ئەو هەواڵەی بەدرۆ خستووەتەوە.
ڕێکخراوی جەیشولعەدڵ لە دووتوێی بەیاننامەیەکدا کە لە وێبلاگی فەرمیی خۆیاندا بڵاویان کردووەتەوە، بەرپرسایەتی ئەو هێرشەی بەئەستۆ گرتووە و ڕایگەیاندووە کە ڕێکخراوی جەیشولعەدڵ جارێکی دیکە هۆشدار دەدات کە هێرشەکان هەتا بە ئاکام گەیشتنی بەدەستەوە گرتنی دەسەڵاتی بەلووچێستان درێژەی دەبێ و هێزە تاوانبارەکان بزانن کە ئەگەر ناوچەکە بەجێ نەهێڵن و سیستمی ئیداریی و نیزامیی بەلووچێستان نەگەڕێننەوە بۆ خەڵکی بەلووچ، لە هیچ شوێنێکی بەلووچێستان پارێزراو نابن و بەلووچێستان دەبێتە زەلکاوی هێزەکانی ڕێژیم.
لە بەشێکی دیکەی ئەو بەیاننامەیەدا هاتووە؛ دژکردەوەی ئێمە بە نیسبەت کوشتنی بێسەروبەرە و سەرەڕۆیانە و هەروەها دەستبەسەرکردنی سەرەڕۆیانەی هاووڵاتیانی بێتاوانی بەلووچ توند دەبێت و ڕادەگەیەنین کە دەستبەسەر و کوشتنی سەرەڕۆیانەی لاوانی بەلووچ و سوننە مەزهەب هیچکات کاریگەریی نەرێنی لەسەر ڕەهەندە نیزامیی و ڕێکخراوەییەکانی ئێمە دانانێت، کەوابوو ڕێژیم بە دەستبەسەرکردنی سەرەڕۆیانە و کوشتنی لاوان و کەسانی ئایینی بەلووچ، دەبێ چاوەڕوانی دژکردەوەی توندتر بێت.
ڕێژیمی بەناو ئیسلامیی ئێران، بەردەوام ئەو گرووپانەی کە خۆیان بە داکۆکیکاری مافەکانی خەڵکی سیستان و بەلووچێستان دەناسێنن و بۆ وەدیهێنانی ئەو مافانە چالاکی دەکەن، بە تیرۆریست ناو دەبات.
