کوردستان میدیا: لە دیداری نێوان شاندێکی کۆمیتەی حیزبی دێموکراتی کوردستانی ئێران ـ ڤێستمانڵاند و ناوەندی کۆمەڵەی کوردیدا، باسێکی تێر و تەسەل لەسەر بارودۆخی ئێستای کوردانی دانیشتووی سوید بە گشتی و کوردانی شاری ڤێسترۆس بەتایبەتی کرا.
بەپێی هەواڵی گەیشتوو بە ماڵپەڕێ کوردستان میدیا، ڕۆژی یەکشەممە ڕێکەوتی ٢٩ی سەرماوەزی ١٣٩٤ی هەتاوی، شاندێکی کۆمیتەی حیزبی دێموکراتی کوردستانی ئێران ـ ڤێستمانڵاند، بە سەرپەرەستی عەزیز مورادپەرەست بەرپرسی کۆمیتە، سەردانی ناوەندی کۆمەڵەی کوردی لە شاری ڤێسترۆس کرد و لە لایەن شاندێکی کۆمەڵەی کوردی بە سەرپەرەستیی کەریم عومەر، بە گەرمی پێشوازییان لێکرا.
سەرەتا بەرپرسی کۆمیتەی حیزبی دێموکرات عەزیز مورادپەرەست، وێڕای دەربڕینی خۆشحالیی خۆی سەبارەت بەو پێشوازییە گەرمەی شاندی کۆمەڵەی کوردی وەک خانەخوێ، باسێکی تێر و تەسەلی لەسەر باردۆخی ئێستای کوردانی دانیشتووی سوید بەگشتی و کوردانی شاری ڤێسترۆس بەتایبەتی کرد.
مورادپەرست لە درێژەی باسەکەیدا ئاماژەی بە پێوەندییەکانی نێوان هەردوو لا و هەماهەنگی و هەوکاریی زیاتری نێوان کۆمەڵەی کوردی و کۆمیتەی حیزب لە شاری ڤێسترۆس کرد و جەختیشی کردەوە کە دەکرێ بەهاوکاریی یەکتر، ڕەوشی کوردانی دانیشتووی ئەم شارە بەرەو باشتر بڕوا و دەکرێ یاریدەر بین بۆ ئەوەی کە لاوەکانمان بەرەو ئاراستەیەکی دروست بڕۆن.
لە بەشێکی دیکەی سەردانەکەدا مورادپەرست تیشکی خستە سەر چۆنیەتی کار و چاڵاکییەکانی داهاتووی هەردوو لا و هەروەها شێوەی هەماهەنگی کردن لەگەڵ یەکتر و ئاگادار کردنەوەی خەڵک بۆ هەرچی زیاتر بەشداری کردن لە سیمینار و ڕێوڕەسمەکانی یەکتریدا و بەتایبەت بۆنە نەتەوەییەکان و یەک لەوان یادی دووی ڕێبەندان کە ڕۆژێکی مێژوویی و نەتەوەییە.
پاشان کەریم عومەر بەرپرسی کۆمەڵەی کوردی، وێڕای دەربرینی خۆشحاڵیی خۆی لەو دیدارە، هەموو جۆرە هاوکارییەکی کۆمیتەکانی حدکای بەرز وەسف کرد و ئاماژەی بە بارودۆخی کوردان و زیاد بوونی ڕێژەی کوردان لە سوید کرد.
ناوبراو لە بەشێکی دیکەی قسەکانیدا هاندانی ژنان لە کار و چاڵاکییەکانی خۆیاندا و هەروەها لە سیمینار و بۆنە کوردییەکاندای بە ئەرکی پیاوان زانی کە هاندەریان بن بۆ زیاتر بەشداری کردنیان لە کارەکاندا.
بەڕێز کەریمی جەختیشی لە سەر هاوکاریی و هەماهەنگیی زیاتری نێوان هەر دوو لا کردەوە و ئامادەیی کۆمەڵەی کوردی بۆ هەموو هاوکارییەک دەربڕی.
بەپێی هەواڵی گەیشتوو بە ماڵپەڕێ کوردستان میدیا، ڕۆژی یەکشەممە ڕێکەوتی ٢٩ی سەرماوەزی ١٣٩٤ی هەتاوی، شاندێکی کۆمیتەی حیزبی دێموکراتی کوردستانی ئێران ـ ڤێستمانڵاند، بە سەرپەرەستی عەزیز مورادپەرەست بەرپرسی کۆمیتە، سەردانی ناوەندی کۆمەڵەی کوردی لە شاری ڤێسترۆس کرد و لە لایەن شاندێکی کۆمەڵەی کوردی بە سەرپەرەستیی کەریم عومەر، بە گەرمی پێشوازییان لێکرا.
سەرەتا بەرپرسی کۆمیتەی حیزبی دێموکرات عەزیز مورادپەرەست، وێڕای دەربڕینی خۆشحالیی خۆی سەبارەت بەو پێشوازییە گەرمەی شاندی کۆمەڵەی کوردی وەک خانەخوێ، باسێکی تێر و تەسەلی لەسەر باردۆخی ئێستای کوردانی دانیشتووی سوید بەگشتی و کوردانی شاری ڤێسترۆس بەتایبەتی کرد.
مورادپەرست لە درێژەی باسەکەیدا ئاماژەی بە پێوەندییەکانی نێوان هەردوو لا و هەماهەنگی و هەوکاریی زیاتری نێوان کۆمەڵەی کوردی و کۆمیتەی حیزب لە شاری ڤێسترۆس کرد و جەختیشی کردەوە کە دەکرێ بەهاوکاریی یەکتر، ڕەوشی کوردانی دانیشتووی ئەم شارە بەرەو باشتر بڕوا و دەکرێ یاریدەر بین بۆ ئەوەی کە لاوەکانمان بەرەو ئاراستەیەکی دروست بڕۆن.
لە بەشێکی دیکەی سەردانەکەدا مورادپەرست تیشکی خستە سەر چۆنیەتی کار و چاڵاکییەکانی داهاتووی هەردوو لا و هەروەها شێوەی هەماهەنگی کردن لەگەڵ یەکتر و ئاگادار کردنەوەی خەڵک بۆ هەرچی زیاتر بەشداری کردن لە سیمینار و ڕێوڕەسمەکانی یەکتریدا و بەتایبەت بۆنە نەتەوەییەکان و یەک لەوان یادی دووی ڕێبەندان کە ڕۆژێکی مێژوویی و نەتەوەییە.
پاشان کەریم عومەر بەرپرسی کۆمەڵەی کوردی، وێڕای دەربرینی خۆشحاڵیی خۆی لەو دیدارە، هەموو جۆرە هاوکارییەکی کۆمیتەکانی حدکای بەرز وەسف کرد و ئاماژەی بە بارودۆخی کوردان و زیاد بوونی ڕێژەی کوردان لە سوید کرد.
ناوبراو لە بەشێکی دیکەی قسەکانیدا هاندانی ژنان لە کار و چاڵاکییەکانی خۆیاندا و هەروەها لە سیمینار و بۆنە کوردییەکاندای بە ئەرکی پیاوان زانی کە هاندەریان بن بۆ زیاتر بەشداری کردنیان لە کارەکاندا.
بەڕێز کەریمی جەختیشی لە سەر هاوکاریی و هەماهەنگیی زیاتری نێوان هەر دوو لا کردەوە و ئامادەیی کۆمەڵەی کوردی بۆ هەموو هاوکارییەک دەربڕی.