كورستان میدیا: ڕاگه‌یه‌نێكی عه‌ره‌ب زمان ڕایگه‌یاند كه‌ئه‌بوو عومه‌ر شیشانی یه‌كێك له‌سه‌ركرده‌به‌ناوبانگه‌كانی ڕێكخراوی تێرۆریستیی داعش له‌ئه‌نجامی ئۆپراسیۆنێكی سه‌ربازیی هاوبه‌شی هێزه‌چه‌كداره‌كانی ئه‌مریكا و هێزی پێشمه‌رگه‌ی كوردستان له‌كه‌ركووك ده‌سبه‌سه‌ر كراوه‌.

به‌پێی ڕاپۆرتی هه‌واڵنێریی مێهر له‌زاری ڕه‌ئی ئه‌لیوه‌م، هێزه‌كانی ئه‌مریكا له‌ئه‌نجامی ئۆپراسیۆنێكی سه‌ربازی به‌هاوكاری و پاڵپشتیی هێزه‌كانی پێشمه‌رگه‌ی كوردستان له‌پارێزگای كه‌ركووك له‌حه‌تووی ڕابردوودا، ئه‌بوو عومه‌ر شیشانی یه‌كێك له‌سه‌ركرده‌كانی ڕێكخراوی تیرۆریستیی داعشیان ده‌سبه‌سه‌ر كردووه‌.

به‌پێی ئه‌م ڕاپۆرته‌له‌ئه‌نجامی ئه‌م ئۆپراسیۆنه‌دا‌كه‌به‌هاوكاری هێزی پێشمه‌رگه‌ی كوردستان له‌كه‌ركووك ئه‌نجام دراوه،‌دوو سه‌ركرده‌ی دیكه‌ی داعشیش له‌گه‌ڵ ئه‌بوو عومه‌ر شیشانی ده‌سبه‌سه‌ر كراون.

جێگای ئاماژه‌یه‌ئه‌م ئۆپراسیۆنه‌هاوبه‌شه‌ڕۆژی هه‌ینی ڕابردوو له‌ناوچه‌ی ئه‌ڵڕیازی كه‌ركووك ئه‌نجام دراوه‌.

پێشتریش هێزه‌سه‌ربازییه‌كانی ئه‌مریكا به‌هاوكاری هێزی پێشمه‌رگه‌ی كوردستان ئۆپراسیۆنێكی هاوشێوه‌یان له‌حه‌ویجه‌ئه‌نجام دابوو كه‌له‌ئه‌نجامی ئه‌و ئۆپراسیۆنه‌دا ٧٠ دیلی ده‌ستی داعش ئازاد كرابوون.