كوردستان میدیا: به‌پێی ڕاپۆرتی كۆمیساریای باڵای په‌نابه‌رانی ڕێكخراوی نه‌ته‌وه یه‌كگرتووه‌كان و ڕێكخراوی نێونه‌ته‌وه‌یی كۆچبه‌ری، ژماره‌ی ئەو په‌نابه‌ر و كۆچبه‌رانەێ كه له ساڵی دواییدا له ئاسیا و ئه‌فریقاوه گه‌یشتوونه‌ته ئورووپا، سنووری یه‌ك میلیۆن كه‌سی تێپه‌ڕاندووه.
به‌پێی ڕاپۆرتی هاوبه‌شی ئه‌م دوو ڕێكخراوه، له كاتێكدا نیوه‌ی ئه‌م په‌نابه‌رانە خه‌ڵكی شه‌ڕلێدراوی سوورییه‌ن، ٢٠%یان ئه‌فغانی و ٧%یشیان عێراقین. زیاتر له ٨٠٠ هه‌زار كه‌س له‌م په‌نابه‌رانه له ڕێگه‌ی ده‌ریا و له وڵاتی یوونانه‌وه خۆیان گه‌یاندووه‌ته ئورووپا.
ئه‌مه له حاڵێكدایه كه هۆكاره سه‌ره‌كییه‌كانی په‌نابه‌ریی و كۆچبه‌ریی دانیشتووانی ئاسیا و ئه‌فریقا هێشتا وه‌ك خۆی ماوه‌تەوە و ئه‌م ڕه‌وته وه‌ك جاران به‌رده‌وام ده‌بێت. ئانتۆنیۆ گووترێژ، سه‌رۆكی كۆمیساریای باڵای په‌نابه‌رانی ڕێكخراوی نه‌ته‌وه یه‌كگرتووه‌كان، له‌م پێوه‌ندییه‌دا ده‌ڵێ: ئێمه خوازیاری په‌نابه‌ری زیاتر نین، ئێمه ده‌مانه‌وێ پێش به ئاواره بوونی خه‌ڵك بگرین و سه‌قامگیریی ئاشتی، باشترین ڕێگه‌چاره‌یه. له هه‌لومه‌رجی ئێستادا، ده‌بێ هه‌وڵه دیپلۆماتیكه‌كان بۆ گه‌یشتن به ئاشتی توندتر بكه‌ینه‌وه، چوونكە بینه‌ری زیادبوونی شه‌ڕه‌كان و تێكهه‌ڵچوونه‌كانین و ده‌بینین كه وادیارە كۆمه‌ڵگای جیهانی توانای ڕاگرتنی ئه‌م ڕه‌وته‌ی نییه.
هاوكات هه‌ندێك له وڵاتانی ئورووپایی که پێداگرییان كردووه‌ته‌وه له‌سه‌ر سیاسه‌تی وه‌رنه‌گرتنی په‌نابه‌ران و هه‌ندێكی دیكه‌ش به توندتر كردنه‌وه‌ی یاساكانی وه‌رگرتنی په‌نابه‌ری، ژماره‌یكی زیاتر له په‌نابه‌ران ده‌گه‌ڕێننه‌وه بۆ وڵاته‌كانی خۆیان.
به‌پێی ڕاپۆرتی هاوبه‌شی ئه‌م دوو ڕێكخراوه، له كاتێكدا نیوه‌ی ئه‌م په‌نابه‌رانە خه‌ڵكی شه‌ڕلێدراوی سوورییه‌ن، ٢٠%یان ئه‌فغانی و ٧%یشیان عێراقین. زیاتر له ٨٠٠ هه‌زار كه‌س له‌م په‌نابه‌رانه له ڕێگه‌ی ده‌ریا و له وڵاتی یوونانه‌وه خۆیان گه‌یاندووه‌ته ئورووپا.
ئه‌مه له حاڵێكدایه كه هۆكاره سه‌ره‌كییه‌كانی په‌نابه‌ریی و كۆچبه‌ریی دانیشتووانی ئاسیا و ئه‌فریقا هێشتا وه‌ك خۆی ماوه‌تەوە و ئه‌م ڕه‌وته وه‌ك جاران به‌رده‌وام ده‌بێت. ئانتۆنیۆ گووترێژ، سه‌رۆكی كۆمیساریای باڵای په‌نابه‌رانی ڕێكخراوی نه‌ته‌وه یه‌كگرتووه‌كان، له‌م پێوه‌ندییه‌دا ده‌ڵێ: ئێمه خوازیاری په‌نابه‌ری زیاتر نین، ئێمه ده‌مانه‌وێ پێش به ئاواره بوونی خه‌ڵك بگرین و سه‌قامگیریی ئاشتی، باشترین ڕێگه‌چاره‌یه. له هه‌لومه‌رجی ئێستادا، ده‌بێ هه‌وڵه دیپلۆماتیكه‌كان بۆ گه‌یشتن به ئاشتی توندتر بكه‌ینه‌وه، چوونكە بینه‌ری زیادبوونی شه‌ڕه‌كان و تێكهه‌ڵچوونه‌كانین و ده‌بینین كه وادیارە كۆمه‌ڵگای جیهانی توانای ڕاگرتنی ئه‌م ڕه‌وته‌ی نییه.
هاوكات هه‌ندێك له وڵاتانی ئورووپایی که پێداگرییان كردووه‌ته‌وه له‌سه‌ر سیاسه‌تی وه‌رنه‌گرتنی په‌نابه‌ران و هه‌ندێكی دیكه‌ش به توندتر كردنه‌وه‌ی یاساكانی وه‌رگرتنی په‌نابه‌ری، ژماره‌یكی زیاتر له په‌نابه‌ران ده‌گه‌ڕێننه‌وه بۆ وڵاته‌كانی خۆیان.
