كوردستان میدیا: پاش ئه‌وه‌یكه سی و پێنج وڵاتی عه‌ره‌بی به ڕێبه‌رایه‌تی عه‌ره‌بستانی سعوودی، به مه‌به‌ستی ڕووبه‌ڕوو بوونه‌وه له‌گه‌ڵ داعش و گرووپه تیرۆریستییه‌كانی دیكه، هاوپه‌یمانییه‌كی سه‌ربازییان پێك هێنا، كۆمه‌ڵێ ده‌نگ و باسی لێكهوتهوه.
ڕێژیمی كۆماری ئیسلامیی ئێران له دژكرده‌وه‌یه‌كی نافه‌رمیدا، ئه‌م هه‌وڵه‌ی عه‌ره‌بستان و وڵاتانی عه‌ره‌بیی به شكست خواردوو وه‌سف كرد و كۆمه‌ڵێ ڕه‌خنه‌ی له‌م هاوپه‌یمانییه گرت و ڕایگه‌یاندبوو كه ئه‌م هاوپه‌یمانییه به بێ بوونی كۆماری ئیسلامیی ئێران له داهاتوویه‌كی نزیكدا هه‌ره‌س دێنێ.
له وەڵامی ئه‌م هه‌ڵوێسته‌ی ئێراندا، سه‌رتیپ ئه‌حمه‌د عوسیری، ڕاوێژكاری وه‌زیری به‌رگریی سعوودی و وته‌بێژی هاوپه‌یمانیی عه‌ره‌بی، گوتی كه هاتنی ئێران بۆ نێو هاوپه‌یمانیی ئیسلامیی و سه‌ربازی كه له‌م دواییانه له لایه‌ن پاشایه‌تی سعوودییه‌وه ڕاگه‌یه‌نراوه، پێوه‌سته به كۆتایی هێنانی ئێران به دوژمنکاریی و كاره ئاژاوه‌گێڕانه‌كانی له ناوچه‌كه دا و هه‌روه‌ها ده‌ستێوه‌ردانی لە كاروباری وڵاتانی ئیسلامیی و ده‌س هه‌ڵگرتن له پشتیوانی کردنی تیرۆریزم.
عوسیری ئه‌م قسانه‌ی له وتووێژ له‌گه‌ڵ ڕۆژنامه‌ی ئه‌لڕیاز و له په‌راوێزی سه‌فه‌ری وه‌زیری به‌رگریی سعوودی بۆ میسر هێناوه‌ته سه‌ر زمان.
عوسیری ده‌ڵێ: ئێمه ئێستا خه‌ریكه له‌سه‌ر ئۆپراسیۆنی سه‌ربازی دژی تیرۆریزم قسه ده‌كه‌ین و ئه‌گه‌ر ئێران ده‌یهه‌وێ كه پێوه‌ست بێ به‌م هاوپه‌یمانییه، ده‌بێ كۆتایی به سیاسه‌ته كاولكارانه‌كه‌ی له سووریه و یه‌مه‌ن بێنێ و له تیرۆیزمی لوبنان و عێراقیش پشتیوانی نه‌كات.
ناوبراو ئه‌وه‌شی زیاد كرد كه گرووپه تیرۆریستییه‌كانی ناوچه‌كه له لایه‌ن ڕێژیمی ئێرانه‌وه دروست كراون و پاڵپشتی ده‌كرێن و ئێران ئه‌گه‌ر ده‌یهه‌وێ نیازپاكیی خۆی پیشان بدات، ده‌بێ واز له‌م سیاسه‌ته ئاژاواگێڕانه‌ی بێنێ.
تا كاتی داڕشتنی ئه‌م هه‌واڵه كاربه‌ده‌ستانی ڕێژیمی كۆماری ئیسلامیی ئێران، هیچ هه‌ڵوێستێكیان له‌مباره‌وه نه‌گرتووه.
ڕێژیمی كۆماری ئیسلامیی ئێران له دژكرده‌وه‌یه‌كی نافه‌رمیدا، ئه‌م هه‌وڵه‌ی عه‌ره‌بستان و وڵاتانی عه‌ره‌بیی به شكست خواردوو وه‌سف كرد و كۆمه‌ڵێ ڕه‌خنه‌ی له‌م هاوپه‌یمانییه گرت و ڕایگه‌یاندبوو كه ئه‌م هاوپه‌یمانییه به بێ بوونی كۆماری ئیسلامیی ئێران له داهاتوویه‌كی نزیكدا هه‌ره‌س دێنێ.
له وەڵامی ئه‌م هه‌ڵوێسته‌ی ئێراندا، سه‌رتیپ ئه‌حمه‌د عوسیری، ڕاوێژكاری وه‌زیری به‌رگریی سعوودی و وته‌بێژی هاوپه‌یمانیی عه‌ره‌بی، گوتی كه هاتنی ئێران بۆ نێو هاوپه‌یمانیی ئیسلامیی و سه‌ربازی كه له‌م دواییانه له لایه‌ن پاشایه‌تی سعوودییه‌وه ڕاگه‌یه‌نراوه، پێوه‌سته به كۆتایی هێنانی ئێران به دوژمنکاریی و كاره ئاژاوه‌گێڕانه‌كانی له ناوچه‌كه دا و هه‌روه‌ها ده‌ستێوه‌ردانی لە كاروباری وڵاتانی ئیسلامیی و ده‌س هه‌ڵگرتن له پشتیوانی کردنی تیرۆریزم.
عوسیری ئه‌م قسانه‌ی له وتووێژ له‌گه‌ڵ ڕۆژنامه‌ی ئه‌لڕیاز و له په‌راوێزی سه‌فه‌ری وه‌زیری به‌رگریی سعوودی بۆ میسر هێناوه‌ته سه‌ر زمان.
عوسیری ده‌ڵێ: ئێمه ئێستا خه‌ریكه له‌سه‌ر ئۆپراسیۆنی سه‌ربازی دژی تیرۆریزم قسه ده‌كه‌ین و ئه‌گه‌ر ئێران ده‌یهه‌وێ كه پێوه‌ست بێ به‌م هاوپه‌یمانییه، ده‌بێ كۆتایی به سیاسه‌ته كاولكارانه‌كه‌ی له سووریه و یه‌مه‌ن بێنێ و له تیرۆیزمی لوبنان و عێراقیش پشتیوانی نه‌كات.
ناوبراو ئه‌وه‌شی زیاد كرد كه گرووپه تیرۆریستییه‌كانی ناوچه‌كه له لایه‌ن ڕێژیمی ئێرانه‌وه دروست كراون و پاڵپشتی ده‌كرێن و ئێران ئه‌گه‌ر ده‌یهه‌وێ نیازپاكیی خۆی پیشان بدات، ده‌بێ واز له‌م سیاسه‌ته ئاژاواگێڕانه‌ی بێنێ.
تا كاتی داڕشتنی ئه‌م هه‌واڵه كاربه‌ده‌ستانی ڕێژیمی كۆماری ئیسلامیی ئێران، هیچ هه‌ڵوێستێكیان له‌مباره‌وه نه‌گرتووه.
