کوردستان میدیا: یەکیەتیی زانایانی ئایینیی کوردستانی ئێران بە بۆنەی لەدایک‌بوونی پەیغەمبەری ئیسلامەوە، پەیامێکی پیرۆزبایی لە موسوڵمانانی کوردستانی ئێران بڵاو کردەوە.

دەقی پەیامەکە بەم چەشنەیە:

به‌نێوی یه‌زدانی دلۆڤان
قال تعالی{انک لعلی خلق عظیم} صدق الله‌العظیم

به‌بۆنه‌ی ساڵیادی له‌دایک بوونی رێبه‌ری رزگاریی چه‌وساوه‌کان و هه‌ژاران و مافخوراون و روخێنه‌ری کۆشکی زۆرداری ونه‌فامی، حه‌زره‌تی محه‌ممه‌د(د.خ) یه‌کێتیی زانایانی ئایینی کوردستانی ئێران پیرۆزبایی له‌سه‌رجه‌م مسوڵمانانی جیهان و هه‌ر چوارپارچه‌ی کوردستان و بنه‌ماڵه‌ی شه‌هیدانی سه‌ربه‌رز و زندانیانی خۆراگر و شۆرشگێرانی نه‌ته‌وه‌ی کورد ده‌کات، ئاواته‌خوازین هه‌موو نه‌ته‌وه‌بنده‌سته‌کان به‌تایبه‌ت نه‌ته‌وه‌ی مافخوراوی کورد به‌مافه‌ره‌واکانی خۆی بگات، هه‌روه‌ها هیوادارین تاریک په‌ره‌ستانی به‌نێو ئیسلامی هە‌ره‌س بێنن و گەلان به‌ئاشته‌وایی ژیان به‌رنه‌سه‌ر.

والسلام علیکم و رحمةالله‌و برکاته‌

یه‌کێتیی زانایانی ئایینی کوردستانی ئێران
١١ی به‌فرانباری ١٣٩٣ی کۆچی هه‌تاوی
به‌رانبه‌ر به‌١١ی ره‌بیع الاولی ١٤٣٦ی کۆچی مانگی