بەرێز ملادینۆڤ زۆر سپاس بۆ ئەو باسە کورتەت
زۆر بە سۆزەوە گوێم بۆ ووتاری هاوکارەکانم ڕاگرت. بە باوەڕی من هەمیشە لە باس و لێدوانەکان سەبارەت بە ڕۆژهەلاتی ناوەڕاست بە نا‌‌حەق و لەرادەبەدەر تیشک دەخرێتە سەر ئیسرائیل، بەڵام ئەمرۆ من دەمهەوێ هەنگاوێک بچمە پێشتر. شەری فەلەستین و ئیسرائیل زۆر جیددی و گرینگە و شایانی ئەوەیە لەو ئەنجومەنە باسی بکرێت. بەڵام ئەگەر تاکە وڵاتێک کە سەرچاوەی شەر و ناساقامگیریە لە رۆژهەڵاتی ناوەراست، وڵاتێک کە شایانی ئەوەیە کە لە هەر سێ مانگ جارێکی دانیشتنی ئەنجومەنی ئاسایش باسی بکرێت ئەوە ئیسرائیل نیە بەڵکوو ئێرانە.
نزیکەی ٤٠ ساڵە رژیمی ئێران بە دژی هەموو بنەما یاساکانی کۆمەڵگای نێونەتەوەییە. لە هەموو شەڕەکانی رۆژهەڵاتی ناوەراست جێ پەنجەی رژیمی ئێران دەبیندرێت.
ڕژیمی ئێران پشگیری ئەو دیکتاتۆرانە دەکات کە هاووڵاتیانی خۆیان بە چەکی شیمیایی دەکوژن. ئەوان شەر هەڵدەگیرسنن، یارمەتی ماڵی تیرۆریست و چەکدارانی وڵاتانی دیکە دەدەن. چەک و موشەک دەدەنە میلیشیاکان. بەردەوام دەگەڵ بەرژەوەندی و سیاسەتەکانی ئەنجومەنی ئاسایش بە کردەوە دژایەتی دەکەن. لە سەراسەری رۆژهەڵاتی ناوەراست، لە لوبنان، لە سوریە، لە یەمەن، سەربەخۆیی وڵاتانی دراوسێ لە ژێر پێ دەنێت. هەروەها رێژیمی ئێران نیشانی داوە کە ئەوپەری بێرێزی بە سەربەخۆیی وڵاتی عێراق دەکات کە لە بارودۆخێکی ئەستەمدا، هەوڵی پێشخستنی پرۆسەی سیاسی دەدەن.
رێبەرانی ئێران وا دەنوێنن کە دەستێوەردان لە سەربەخۆیی نەتەوەکانی دیکە لە ژێر ناوی هاوسۆزیی ئایینییە. ئەوان دەیان هەوێ وا ئیددیعا بکەن کە گوایە بۆ دەست تێوەردان لە کاروباری وڵاتانی دیکە بانگهێشت کراون. بەڵام بە پێچەوانەی ئەو ئیددیعایە هۆی سەرەکیی دەستێوەردانی مەلاکان ئەوەیە کە ئەوان تینووی دەسەڵاتن. سەبارەت بە عێراق، ئامانجی سەرەکیی ئەوان نانەوەی ناسەقامگیری و ناڕوونیە بە مەبەستی دروستکردنی دەروازەیەکی کونترۆلکراو بۆ ناردنی چەک و شەرکەر لە تارانەوە بۆ مەدیتەرانە.
لەو مانگەدا کردەوە دوژمنکارانەکەی ئێران زیادی کردوە. گروپە بریکارەکانی ئێران لە ئێراق بە ئاشکرا بە پارە و ڕاهێنان و چەکی ئێران، کردەوەی تیرۆریستی دەکەن. لە چەند مانگی ڕابردوودا ئاشکرا بووە کە ئێران چەک و مووشەکی بۆ ئەو گروپە بریکارانە لە عێراق ڕەوانە کردووە. بەردەوام خەرێکی پەرەپێدانی توانایی ئەو میلیشیا بریکارانەیە کە بتوانن مووشەک لە ناو خاکی عێراق دروست بکەن.
لەوماەیەدا ڕێژیمی ئیران لەوپەری دەسترێژی بە سەروەری خاکی عێراق چەندین مووشەکی لە ئیرانەوە هەڵداونە ناو خاکی عێراق. ئێران هێرشی کردۆتە سەر بنکەی دەفتەری سیاسی حیزبی دێموکراتی کوردستان (Kurdistan Democratic Party of Iran) و ١١ کەسی کوشتوون. ڕێژیمی ئێران بۆ خۆی ئەو هێرشەی ئەنجامداوە نە گرووپە بریکارەکانی. لە دەساڵی رابردوو ئەوە یەکەم هێرشی سەربازیی ڕاستەوخۆی ئێرانە لە ناو خاکی عێراق دا. ئەو هێرش و دەستێوەردانە لە سەروەری خاکی عێراق بە دژی بڕیاری ئەنجومەنی ئاسایشە و ئەنجومەن دەبێ هەڵوێستی هەبێت.
سلێمانی فەرماندە و بەرپرسی سپای قودسی ئێران هەوڵی دەستێوەردان وکاریگەریی لە دروست کردنی حکومەتی نوێی عێراقی هەیە. وەبیر هاوکارەکانم هێنایەوە کە بە گوێرەی بڕیاری ئەنجومەنی ئاسایش لە ساڵی ٧ ٢٠١ سەفەر کردنی سلێمانی بۆ دەرەوەی ئێران قەدەغەیە. ئەو بریارە دووبارە پەسەندکراوی بڕیاری ئەنجومەنی ئاسایشە لە ساڵی ٢٠١٥ دا. بێ لە بەرچاو گرتنی ئەو بڕیارە ئاشکرایەی قەدەغەکردنی سەفەری سلێمانی ، ناوبراو لە دوای هەڵبژاردنی مانگی ٥، بەردەوام سەردانی شارەکانی عیراق دەکات. ئەو بابەتە لە نوێترین ڕاپۆرتی جێبەجێکاری ژمارە ٢٢٣١ی سکرتێری گشتی باسی لێوەکراوە. با بزانین کە سلێمانی خەریکی چییە لە عراق. ناوبراو بۆ دروست کردنی حکومەتێکی بەرپرسیار و وەڵامدەری خەڵکی عێراق نەچۆتە بەغدا بەڵکوو ئەو دەیهەوێ حکومەتێک لە بەغدا دروست بکا کە لە ژێر کۆنتروڵ و چاوەدێری ئێران دابێت.
ئێران، عێراق وەکوو وڵاتێکی سەربەخۆ سەیر ناکات بەڵکوو عێراق وەک رێگەیەک بۆ گواستنەوەی چەک و ناوەندێک بۆ ڕاهێنانی گروپە بریکار و نیابەتیەکان سەیر دەکات. هەرچەند عێراق خاوەنی سەرچاوە و سامانی خۆیەتی بەڵام ئێران دەیهەوێ ئابووری عێراق لاواز بکات و گرێدراوی هەناردەی خۆی بکا، بۆ؟
چونکە ئێران دەیهەوێ لە ڕێگەی عێراقێکی لاواز پارە نایاسایەکانی خۆی بۆ کردەوە تیرۆریستیەکان بەکار بێنێت.
ڕووداوێکی دیکەی بڵاو کردنەوەی ناسەقامگیریی لە لایەن ئێرانەوە هاتۆتە ئاراوە کە کاردانەوەیەکی تایبەتیی بۆ ئامریکاییان هەیە. دوو حەوتوو لەمەوبەر ، دوو گروپی بریکاری ئێران مووشەکیان هاویشتۆتە سەفارەتی ئەمریکا لە بەغدا و کونسولخانەی ئامریکا لە بەسرە. کەڵک وەرگرتن لە گروپە بریکارەکان لە عێراق و هێرشی ئاوا ناتوانێ رژیمی ئێران بێ بەری بکات. دەوڵەتی ترامپ نە ئەورۆ و نە لە داهاتوودا ئەوە قەبول ناکات. ئێران دەیتوانی ڕێگریی لەو هێرشەی بریکاران بکات بڵام ئەو کارەیان نەکرد بۆیە کۆشکی سپی لە وەڵامدا بە تووندی هەڕەشەی لە ئێران کرد. ئێمە رێژیمی ئێران سەبارەت بە هەر هێرشێکی گروپە بریکارەکان بۆ بینا و کارمەندکانمان بە بەرپرسیار دەزانین. ئێمە بەدڵنیاییەوە زۆر بە هێزەوە پاڕێزگاری لە ژیانی ئامریکاییەکان دەکەیین. ڕاگرتنی سەروەریی ئەندامانی نەتەوە یەکگرتووەکان هەمیشە بابەتی گرینگی باس کردن لە ئەنجومەنی ئاسایس بووە. هەموو نەتەوەکان مافی سەروەریی و خۆبەرێوەبەرییان هەیە. مافی پاراستنی خەڵک و خاک و سنوورەکانی خۆیان هەیە. وەک هەموو وڵاتانی تر عێراق ئەو مافانەی هەیە. بەداخەو تاکوو ئەوڕۆ و لە هەستیارترین کاتەکانی مێژوو کە عێراقییەکان دەیانهەوێ دەوڵەتی خۆیان پێکبێنن، ئێران ڕووهەڵماڵراوانە بێرێزیی بە سەروەریی عێراق دەکات. ئەوە هەڕەشە کردنە لە جەماوەر بۆ پێشخستنی ڕێبەرانی سیاسی خۆیان. قورخکردنی حکومەت بۆ کەڵکوەرگرتن لە هێزی سەربازیی و پێشخستنی میلیشیاکانی خۆیان ، دابەزاندنی خاڵی سەرەکیی سەروەریی وڵاتە.
وڵاتە یەکگرتووەکانی ئەمریکا بۆ یارمەتیدان بۆ دروست کردنی حکومەتێکی سەربەخۆ بۆ هەموو پێکهاتەکان لە عێراق دا خۆی بەرپرسیار دەزانێ. عێراق لە هەوڵی بووژانەوە و دروستکردنەوەی دووبارە دوای شەڕی داعش و ئێستاش خەریکی سڕینەوە و سەرکەوتنە بەسەر میرات و مێژووی ستەمکاری سەدام حوسێن دا.
دەستێوەردانی ڕێژیمی ئێران نەک هەر ڕێگریی لە پێشکەوتنی خەڵکی عێراق دەکات بەڵکوو ئەوان دەگەڕێنێتەوە بۆ شەڕ و دووبەرەکیی. ئەوە هەمان شەڕ و دووبەرەکییەیە کە ئێران لە سووریە و یەمەن و لوبنان و سەرتاسەری ڕۆژهەڵاتی ناوەراست بەڕێوەی دەبات.
هەموو ئەندامانی ئەنجومەنی ئاسایش کە رێز لە پرەنسیپی سەروەریی وڵاتان دەگرن دەبێ دڵگران بن. هەروەها هەموو ئەوانەی رێز لە مافی خۆبەرێوبەریی خەڵکی عێراق دەگرن دەبێ بێن بۆ پارێزگاری کردنی ئەوان.
٢٠ی سيپتامبری ٢٠١٨
