لە شاری دێموکراتدۆستی سەردەشت بە بۆنەی ساڵیادی دامەزرانی حیزبی دێموکراتی کوردستان چالاکیی تەبلیغی کراو، بەو جۆڕە لایەنگرانی حیزبی دێموکرات لەو شارە ، یاد و بیرەوەریی ٢٥ی گەلاوێژیان بەرزڕاگرت.
شەوی ٢٦ گەلاوێژ دۆستان و یارانی هەمیشە وەفادار بە ڕێبازی دێموکرات لە شاری سەردەشت، لە چالاکییەکی تەبلیغی‌دا بۆ جارێکی دیکە ئەمەگناسی خۆیانیان بە حیزبی دێموکرات و سەرجەم تیکۆشەرانی ئەو حیزبە سەلماند.
ئەو شوێنانەی لە شاری سەردەشت کە بەبۆنەی ٢٥ی گەلاوێژ چالاکیی تەبلیغی تێیدا کراون بریتین لە؛ دەور وبەری ستادیۆمی وەرزشی، حەمامی شکوفە، و بەشێک لە شەقام و کۆڵانەکانی ئەو شارە.
کۆمیسیۆنی تەشکیلاتی حیزبی دێموکراتی کوردستان وێڕای دەستخۆشی کردن لە سەرجەم خەڵکی تێکۆشەری کوردستان ، سپاس وپێزانینی تایبەتی خۆی پێشکەش بە لایەنگرانی حیزبی دێموکراتی کوردستان لە شاری سەردەشت دەکا و، هیوای سەرکەوتنیان بۆ بە ئاوات دەخوازێ.
