كوردستان میدیا: خۆپیشاندانی كوردەكانی هەرچوار پارچەی كوردستان و بەشێك لەئێرانیی و نوروێژییەكان بۆ پشتیوانی لەزیندانیانی سیاسیی و كۆڵبەران وكاسبكارانی كورد بەڕێوەچوو .
بەپێی هەواڵی ماڵپەڕی كوردستان میدیا، ئەو خۆپیشاندانە لەلایەن كۆمیتەی كار كردن بۆ وەرگرتنی خەڵاتی ئاشتی نۆبێلی كەبوودوەند رێك خرابوو.
سەرەتا خۆپیشاندەران لەئیزگەی شەمەندەفەری ئۆسلۆ بە هەڵگرتنی ئاڵای كوردستان ودەیان دروشم و وێنەی زیندانیانی سیاسی كورد و كۆڵبەران بەرەو بەردەم پارلمانی نوروێژ وەرێ‌كەوتن و دواتر یەك خولەك بێدەنگی بۆ رێزگرتن لەگیانی پاكی شەهیدانی كوردو كوردستان راگیرا.
لەو كۆبوونەوەیەدا وتاری دەستەی ئامادەكار خوێندرایەوە و دواتر ئاكسل هاگن ئەندامی پارلمانی نوروێژ، سەر بە حیزبی سوسیالیستی چەپ و ئەندامی گرووپی كاری كوردان پەیامێكی بەو بۆنەوە پێشكەش كرد.
پاشان هونەرمەند نەجمەدین غوڵامی بە سروودێكی شۆڕشگێڕی پشتیوانی خۆی لە زیندانیانی سیاسیی و كۆڵبەران و كاسبكارانی كورد دەربڕی. مەحموود ئەمیری موقەدەم بەرپرس و وتەبێژی رێكخراوی مافی مرۆڤی ئێران ـ ئورووپا لەو پێوەندیەدا وتەیەكی لەسەر زیندانیی سیاسی كورد و گەلانی دیكەی ئیران پێشكەش كرد.
لەبەشێكی دیكەی كۆبوونەوەكەدا پەیامی كۆمیتەی حیزب و رێكخراوەكانی كوردستانی ئێران بە زمانی كوردی و نوروێژی لە لایەن سەلاح سوڵتان پەنا و كارۆخ باوەجانییەوەە پێشكەش كرا و هەروەها دوو هاوسەری هونەرمەند و گۆرانی بێژی ئەفغانی دوستی كورد بە گورانییەكی هاوبەش بەشدارییان لە بەرنامەكەدا كرد.
پاشان هونەرمەند و سینەماكاری كورد نیشتمان حوسێنی پەیامێكی لەسەر كۆلبەران پێشكەش كرد و بەدوای ئەودا سۆران سەید محەممەدی بەو بۆنەیەوە پەیامێكی خوێندەوە.
بەپێی هەواڵی ماڵپەڕی كوردستان میدیا، ئەو خۆپیشاندانە لەلایەن كۆمیتەی كار كردن بۆ وەرگرتنی خەڵاتی ئاشتی نۆبێلی كەبوودوەند رێك خرابوو.
سەرەتا خۆپیشاندەران لەئیزگەی شەمەندەفەری ئۆسلۆ بە هەڵگرتنی ئاڵای كوردستان ودەیان دروشم و وێنەی زیندانیانی سیاسی كورد و كۆڵبەران بەرەو بەردەم پارلمانی نوروێژ وەرێ‌كەوتن و دواتر یەك خولەك بێدەنگی بۆ رێزگرتن لەگیانی پاكی شەهیدانی كوردو كوردستان راگیرا.
لەو كۆبوونەوەیەدا وتاری دەستەی ئامادەكار خوێندرایەوە و دواتر ئاكسل هاگن ئەندامی پارلمانی نوروێژ، سەر بە حیزبی سوسیالیستی چەپ و ئەندامی گرووپی كاری كوردان پەیامێكی بەو بۆنەوە پێشكەش كرد.
پاشان هونەرمەند نەجمەدین غوڵامی بە سروودێكی شۆڕشگێڕی پشتیوانی خۆی لە زیندانیانی سیاسیی و كۆڵبەران و كاسبكارانی كورد دەربڕی. مەحموود ئەمیری موقەدەم بەرپرس و وتەبێژی رێكخراوی مافی مرۆڤی ئێران ـ ئورووپا لەو پێوەندیەدا وتەیەكی لەسەر زیندانیی سیاسی كورد و گەلانی دیكەی ئیران پێشكەش كرد.
لەبەشێكی دیكەی كۆبوونەوەكەدا پەیامی كۆمیتەی حیزب و رێكخراوەكانی كوردستانی ئێران بە زمانی كوردی و نوروێژی لە لایەن سەلاح سوڵتان پەنا و كارۆخ باوەجانییەوەە پێشكەش كرا و هەروەها دوو هاوسەری هونەرمەند و گۆرانی بێژی ئەفغانی دوستی كورد بە گورانییەكی هاوبەش بەشدارییان لە بەرنامەكەدا كرد.
پاشان هونەرمەند و سینەماكاری كورد نیشتمان حوسێنی پەیامێكی لەسەر كۆلبەران پێشكەش كرد و بەدوای ئەودا سۆران سەید محەممەدی بەو بۆنەیەوە پەیامێكی خوێندەوە.
