کوردستان میدیا: رێکخراوەکانی لاوانی کوردستانی رۆژهەڵات لیژنەی ئامادەکاریی یەکەم کۆنفڕانسی لاوانی رۆژهەڵاتییان دیاری کرد.
نوسخەیەک لە راگەیەنراوی یەکەم کۆنفرانسی لاوانی رۆژهەلات بە ماڵپەڕی \'\'کوردستان میدیا\'\' گەیشتووە کە دەقەکەی بەم چەشنەیە:
خەڵکی تێکۆشەری رۆژهەڵاتی کوردستان!
لاوانی هێژا و دەروەستی نەتەوەکەمان!
بە ئاگاداریی هەموو لایەک رادەگەیەنین، پاش چەندین کۆبوونەوە و تاوتوێ کردنی باس و بابەتەکان و ئاڵوگۆڕی بیروڕا لە نێوان نوێنەرانی رێکخراوەکانی لاوانی رۆژهەڵاتی کوردستان، بە خۆشییەوە توانرا بۆ ئامادەکاری و گرێدانی یەکەم کۆنفڕانسی لاوانی رۆژهەڵات، لە ژێر دروشمی \'\'یەکڕیزیی لاوان، بەرەو داهاتوویەکی گەش\'\'، لە نێوان نوێنەرانی رێکخراوەکانی لاواندا، لیژنەی ئامادەکاری کۆنفڕانسەکە پێک بێ.
ئەوەی لێرەدا جێی سەرنج و تێڕامانە و خواستی لێژنەی ئامادەکار و رێکخراوەکانی پێکهێنەری کونفڕانسەکەشە، ئەوەیە کە ئەم کۆنفڕانسە دەبێ ئاوێنەی باڵانوێنی خواست و داخوازییەکانی لاوانی کورد لە رۆژهەڵاتی کوردستان بێ.
لەو پێوەندی‌یەدا بەپێی ریزبەندیی بەرنامە و هێڵە گشتییەکانی کۆنفڕانس، کە لەلایەن رێکخراوەکانی لاوانەوە بۆ جێ‌بەجێ کردنی بە لیژنەی ئامادەکار سپێردراوە، داوا دەکەین:
یەکەم:
بەهۆی بارودۆخی ئەمنییەتیی زاڵ بەسەر نێوخۆی رۆژهەڵاتی کوردستان، لەلایەن دامودەزگا داپڵۆسێنەرەکانی رێژیمی داگیرکەریی کۆماری ئیسلامییەوه،بەداخەوە بەشداریی لاوان لە کۆنفرانسەکەدا بە شێوەی ئاشکرا و حوزووری لە نێوخۆی وڵات ئەستەمە، بۆیە کۆمیتەی ئامادەکار خۆشحاڵ دەبێ کە لاوانی بەهەست و نیشتمانپەروەری وڵاتەکەمان، بۆ هەرچی زیاتر دەوڵەمەندتر کردنی کارەکانی کۆنفڕانس، راوبۆچوون و تێ‌بینییەکانی خۆیان بۆ لێژنەی ئامادەکاری کۆنفڕانس بنێرن.
دووهەم:
داوا لە سەرجەم لاوان و چالاکوانانی مەدەنیی رۆژهەڵات، دانیشتوو لە هەرێمی کوردستان و دەرەوەی وڵات کە تەمەنیان لە نێوان ١٨ بۆ ٣٥ ساڵە و خوازیاری بەشداری لەو کۆنفڕانسەدان، سی‌ڤی (C.V) خۆیان بۆ کۆمیتەی ئامادەکار لە رێگەی نوێنەرایەتیی رێکخراوەکان و ئەم ئیمەیلەوە [email protected] تا رێکەوتی ١٠ی سەرماوەز، بنێرن (دیارە لە \'\'سی‌ڤی\'\'یەکەتاندا ئاماژە بە تەمەن، پسپۆڕی، شوێنی نیشتەجێ بوون، خوێندەواری و ... هتد، بکەن تاکوو دواتر لیژنەی ئامادەکار بەپێی رێژەی دیاریکراو نوێنەرەکان دەستنیشان بکا).
هەروەها بۆ ئەندامانی سەربە رێکخراوەکان، رێژەیەکی دیاریکراو دانراوە و ئەوان هەرکام لە رێگەی رێکخراوی خۆیانەوە بەپێی ئەو رێژە دیاریکراوە لە رێکخراوەکانی لاوانی رۆژهەڵات، بەشدار دەبن.
سێهەم:
لاوانی رۆژهەڵاتی کوردستان، له سەرجەم ئێوەی خۆشەویست داواکارین هەر پێشنیار و سەرنجێکتان هەیە دەتوانن لە رێگەی ئیمەیلی کۆنفڕانس ([email protected]) یان نوێنەرایەتیی سەرجەم رێکخراوەکانی لاوانی رۆژهەڵات، تێ‌بینییەکانی خۆتان بۆ لێژنەی ئامادەکاری کۆنفڕانس بنێرن.
لێژنەی ئامادەکاری یەکەم کۆنفڕانسی لاوانی رۆژهەڵات
٢٤ی خەزەڵوەری ٢٧١٣ی کوردی
١٥ی نۆڤامبری ٢٠١٣ی زایینی
نوسخەیەک لە راگەیەنراوی یەکەم کۆنفرانسی لاوانی رۆژهەلات بە ماڵپەڕی \'\'کوردستان میدیا\'\' گەیشتووە کە دەقەکەی بەم چەشنەیە:
خەڵکی تێکۆشەری رۆژهەڵاتی کوردستان!
لاوانی هێژا و دەروەستی نەتەوەکەمان!
بە ئاگاداریی هەموو لایەک رادەگەیەنین، پاش چەندین کۆبوونەوە و تاوتوێ کردنی باس و بابەتەکان و ئاڵوگۆڕی بیروڕا لە نێوان نوێنەرانی رێکخراوەکانی لاوانی رۆژهەڵاتی کوردستان، بە خۆشییەوە توانرا بۆ ئامادەکاری و گرێدانی یەکەم کۆنفڕانسی لاوانی رۆژهەڵات، لە ژێر دروشمی \'\'یەکڕیزیی لاوان، بەرەو داهاتوویەکی گەش\'\'، لە نێوان نوێنەرانی رێکخراوەکانی لاواندا، لیژنەی ئامادەکاری کۆنفڕانسەکە پێک بێ.
ئەوەی لێرەدا جێی سەرنج و تێڕامانە و خواستی لێژنەی ئامادەکار و رێکخراوەکانی پێکهێنەری کونفڕانسەکەشە، ئەوەیە کە ئەم کۆنفڕانسە دەبێ ئاوێنەی باڵانوێنی خواست و داخوازییەکانی لاوانی کورد لە رۆژهەڵاتی کوردستان بێ.
لەو پێوەندی‌یەدا بەپێی ریزبەندیی بەرنامە و هێڵە گشتییەکانی کۆنفڕانس، کە لەلایەن رێکخراوەکانی لاوانەوە بۆ جێ‌بەجێ کردنی بە لیژنەی ئامادەکار سپێردراوە، داوا دەکەین:
یەکەم:
بەهۆی بارودۆخی ئەمنییەتیی زاڵ بەسەر نێوخۆی رۆژهەڵاتی کوردستان، لەلایەن دامودەزگا داپڵۆسێنەرەکانی رێژیمی داگیرکەریی کۆماری ئیسلامییەوه،بەداخەوە بەشداریی لاوان لە کۆنفرانسەکەدا بە شێوەی ئاشکرا و حوزووری لە نێوخۆی وڵات ئەستەمە، بۆیە کۆمیتەی ئامادەکار خۆشحاڵ دەبێ کە لاوانی بەهەست و نیشتمانپەروەری وڵاتەکەمان، بۆ هەرچی زیاتر دەوڵەمەندتر کردنی کارەکانی کۆنفڕانس، راوبۆچوون و تێ‌بینییەکانی خۆیان بۆ لێژنەی ئامادەکاری کۆنفڕانس بنێرن.
دووهەم:
داوا لە سەرجەم لاوان و چالاکوانانی مەدەنیی رۆژهەڵات، دانیشتوو لە هەرێمی کوردستان و دەرەوەی وڵات کە تەمەنیان لە نێوان ١٨ بۆ ٣٥ ساڵە و خوازیاری بەشداری لەو کۆنفڕانسەدان، سی‌ڤی (C.V) خۆیان بۆ کۆمیتەی ئامادەکار لە رێگەی نوێنەرایەتیی رێکخراوەکان و ئەم ئیمەیلەوە [email protected] تا رێکەوتی ١٠ی سەرماوەز، بنێرن (دیارە لە \'\'سی‌ڤی\'\'یەکەتاندا ئاماژە بە تەمەن، پسپۆڕی، شوێنی نیشتەجێ بوون، خوێندەواری و ... هتد، بکەن تاکوو دواتر لیژنەی ئامادەکار بەپێی رێژەی دیاریکراو نوێنەرەکان دەستنیشان بکا).
هەروەها بۆ ئەندامانی سەربە رێکخراوەکان، رێژەیەکی دیاریکراو دانراوە و ئەوان هەرکام لە رێگەی رێکخراوی خۆیانەوە بەپێی ئەو رێژە دیاریکراوە لە رێکخراوەکانی لاوانی رۆژهەڵات، بەشدار دەبن.
سێهەم:
لاوانی رۆژهەڵاتی کوردستان، له سەرجەم ئێوەی خۆشەویست داواکارین هەر پێشنیار و سەرنجێکتان هەیە دەتوانن لە رێگەی ئیمەیلی کۆنفڕانس ([email protected]) یان نوێنەرایەتیی سەرجەم رێکخراوەکانی لاوانی رۆژهەڵات، تێ‌بینییەکانی خۆتان بۆ لێژنەی ئامادەکاری کۆنفڕانس بنێرن.
لێژنەی ئامادەکاری یەکەم کۆنفڕانسی لاوانی رۆژهەڵات
٢٤ی خەزەڵوەری ٢٧١٣ی کوردی
١٥ی نۆڤامبری ٢٠١٣ی زایینی
