کوردستان میدیا: مەئموورانی رێژیمی ئیسلامیی ئێران بەبێ مۆڵەت ماڵی هاووڵاتییان بە مەبەستی کۆکردنەوەی ماهوارە دەپشکنن و ماهوارەی هاووڵاتییان زەوت دەکەن.
بەپێی راپۆرتی کوردستان میدیا، هێزەکانی ریژیمی ئیسلامیی ئێران رۆژی سێشەممە رێکەوتی ٢٤ی پووشپەڕی ١٣٩٣ی هەتاوی، هێرشیان کردووەتە سەر ماڵی هاووڵاتییانی دانیشتووی گوندەکانی \'\'ننێبن، دارباڕوو و بارباڕوو\'\' لە ناوچەی باراندۆزی ئورمیە وماڵی هاووڵاتییانی بە مەبەستی کۆکردنەوەی ماهوارە پشکنیوە.
سەرچاوەیەکی ئاگادار رایگەیاند: هێزەکانی رێژیم بە بێ مۆڵەت و بە بێ ئیزنی خاوەن ماڵەکان، ماڵی هاووڵاتییانیان بە مەبەستی دۆزینەوەی ماهوارە پشکنیوە.
بەپێی ئەم سەرچاوەیە، هێزەکانی رێژیم وێڕای بێ حورمەتی بە هاووڵاتییان، دەیان دەزگای ماهوارەی هاووڵاتییانیان زەوت کردووە و لەگەڵ خۆیان بردوویانە.
رێژیمی ئیسلامیی ئێران لە چوارچێوەی سیاسەتەکانی خۆیدا بە کۆکردنەوەی ماهوارە و بڵاوکردنەوەی شەپۆلەکانی پارازیت لە هەوڵی پێشگیری لە بڵاوبوونەوە کاناڵە تەلەفزیۆنییەکانی دژبەری خۆی و بەتایبەت لە ناوچەکانی کوردستانی ئێران دایە و بەم شێوەیە دەیهەوێت بیروڕای گشتیی خەڵک لەژیر کۆنترۆڵی خۆیدا بێت.
بەپێی راپۆرتی کوردستان میدیا، هێزەکانی ریژیمی ئیسلامیی ئێران رۆژی سێشەممە رێکەوتی ٢٤ی پووشپەڕی ١٣٩٣ی هەتاوی، هێرشیان کردووەتە سەر ماڵی هاووڵاتییانی دانیشتووی گوندەکانی \'\'ننێبن، دارباڕوو و بارباڕوو\'\' لە ناوچەی باراندۆزی ئورمیە وماڵی هاووڵاتییانی بە مەبەستی کۆکردنەوەی ماهوارە پشکنیوە.
سەرچاوەیەکی ئاگادار رایگەیاند: هێزەکانی رێژیم بە بێ مۆڵەت و بە بێ ئیزنی خاوەن ماڵەکان، ماڵی هاووڵاتییانیان بە مەبەستی دۆزینەوەی ماهوارە پشکنیوە.
بەپێی ئەم سەرچاوەیە، هێزەکانی رێژیم وێڕای بێ حورمەتی بە هاووڵاتییان، دەیان دەزگای ماهوارەی هاووڵاتییانیان زەوت کردووە و لەگەڵ خۆیان بردوویانە.
رێژیمی ئیسلامیی ئێران لە چوارچێوەی سیاسەتەکانی خۆیدا بە کۆکردنەوەی ماهوارە و بڵاوکردنەوەی شەپۆلەکانی پارازیت لە هەوڵی پێشگیری لە بڵاوبوونەوە کاناڵە تەلەفزیۆنییەکانی دژبەری خۆی و بەتایبەت لە ناوچەکانی کوردستانی ئێران دایە و بەم شێوەیە دەیهەوێت بیروڕای گشتیی خەڵک لەژیر کۆنترۆڵی خۆیدا بێت.