کوردستان میدیا: داوای پارە لە قوتابییانی دوو قوتابخانەی سەرەتایی و ناوەندیی گوندی \'\'ولەژێر\'\' لەلایەن بەرپرسانی قوتابخانەوە کراوە.
بەپێێ راپۆرتی کوردستان میدیا، قوتابییانی ئەو دوو قوتابخانەیە بە شێوەی دوو شیفتی لە یەک بینادا دەخوێنن کە بە هۆی خراپی و ناستانداری، پێویستیی بە نۆژەنکردنەوە هەیە و بەرپرسانی رێژیمی ئێران لەمەڕ نۆژەنکردنەوەی بینای قوتابخانەکە داوای پارەیان لە قوتابییان کردووە.
٣ میلیۆن تمەن بڕە پارەیەکە کە بۆ نۆژەنکردنەوەی قوتابخانەی \'\'ولەژێر\'\' دیاری کراوە، بەڵام بەهۆی تەرخان نەکردنی ئەو بڕە پارەیە لەلایەن دەوڵەتی رێژیمی ئیسلامیی ئێران و بەتایبەت ئیدارەی پەروەردە و بارهێنانی ئەو رێژیمەوە، بەرپرسانی قوتابخانە بە زۆرەملێ ئەو بڕە پارەیە لە قوتابییان وەردەگرن.
ئەمە لە کاتێک دایە کە قوتابییانی ئەو گوندە پارەی فەڕاش و سەرایەتداری قوتابخانەکەش بۆ خۆیان دابینی دەکەن.
ساڵی رابردووش بەرپرسانی دوو قوتابخانەی سەرەتایی و ناوەندیی گوندی \'\'ولەژێر\'\' بە بیانووی کڕینی شۆڤاژ پارەیان لە قوتابییان وەرگرتبوو.
پێشتریش کوردستان میدیا هەواڵی وەرگرتنی بە زۆرەملێی پارەی لە قوتابییانی گوندی \'\'گردکشانە\'\'ی پیرانشار و قوتابییانی قوتابخانەی شەوانەڕۆژیی \'\'قشڵاخی پرد\'\'ی لە ناوچەی سەقز بڵاو کردبووەوە.
گوشاری ئابووری و کەمیی داهات و دەست کورتیی زۆربەی بنەماڵەکان لەمەڕ دابینکردنی ئەو بڕە پارەیە و لە ئەنجامدا وازهێنان لە خوێندن، سیاسەتێکە کە رێژیمی ئیسلامیی ئێران چەندین ساڵە لە کوردستانی ئێراندا گرتوویەتە بەر و بە شێوەیە دەیهەوێ ئاستی خوێندەواریی نەتەوەی کورد کەم بکاتەوە.
بەپێی بەندی یەکی ماددەی ٢٦ی راگەیەنراوی جیهانیی مافی مرۆڤ بۆ پەروەردە و بارهێنانی بێ بەرانبەر و گشتگیر، هەموو کەسێک مافی پەروەردە و فێربوونی هەیە و ئیدارەی پەروەردە و بارهێنان لانیکەم دەبێ پەروەردەی سەرەتایی و بنەڕەتیی بێ بەرانبەر بۆ هاووڵاتییان تەرخان بکات.
بەشی \'\'ئەلف\'\' لە بەندی ٢ی ماددەی ١٣ی جاڕنامەی جیهانیی مافی ئابووری و کۆمەڵایەتی و فەرهەنگی و پەروەردەی بێ بەرانبەر، کە ئێران ساڵی ١٣٥٤ ناوەڕۆکی ئەو جاڕنامەیەی پەسند کردووە، دەڵێت: پەروەردە و بارهێنانی سەرەتایی دەبێ ئیجباری و بەبێ بەرانبەر بێت و تێکڕای کۆمەڵگا بە ئاسانی بتوانن لێی بەهرەمەند بن.
هەروەها له بەندی دووهەمی ئەسڵی سێیەمی یاسای بنەڕەتیی ئێراندا هاتووە: دەوڵەت ئەرکدارە تێکڕای ئیمکاناتی پەروەردە و بارهێنان بۆ هەموو ئاست و قۆناغەکانی خوێندن دابین بکات و هەروەها لە ئەسڵی ٣٠ی یاسای بنەڕەتیی ئێراندا هاتووە، دەوڵەت ئەرکدارە پێداویستییەکانی پەروەردە و بارهێنانی بێ بەرانبەر بۆ هەموو خەڵک هەتا کۆتایی قۆناغی دواناوەندی دابین بکات و خوێندنی باڵاش هەتا ئاستی خۆبژیویی وڵات بە شێوی بێ بەرانبەر پەرە پێ بدات.
بەپێێ راپۆرتی کوردستان میدیا، قوتابییانی ئەو دوو قوتابخانەیە بە شێوەی دوو شیفتی لە یەک بینادا دەخوێنن کە بە هۆی خراپی و ناستانداری، پێویستیی بە نۆژەنکردنەوە هەیە و بەرپرسانی رێژیمی ئێران لەمەڕ نۆژەنکردنەوەی بینای قوتابخانەکە داوای پارەیان لە قوتابییان کردووە.
٣ میلیۆن تمەن بڕە پارەیەکە کە بۆ نۆژەنکردنەوەی قوتابخانەی \'\'ولەژێر\'\' دیاری کراوە، بەڵام بەهۆی تەرخان نەکردنی ئەو بڕە پارەیە لەلایەن دەوڵەتی رێژیمی ئیسلامیی ئێران و بەتایبەت ئیدارەی پەروەردە و بارهێنانی ئەو رێژیمەوە، بەرپرسانی قوتابخانە بە زۆرەملێ ئەو بڕە پارەیە لە قوتابییان وەردەگرن.
ئەمە لە کاتێک دایە کە قوتابییانی ئەو گوندە پارەی فەڕاش و سەرایەتداری قوتابخانەکەش بۆ خۆیان دابینی دەکەن.
ساڵی رابردووش بەرپرسانی دوو قوتابخانەی سەرەتایی و ناوەندیی گوندی \'\'ولەژێر\'\' بە بیانووی کڕینی شۆڤاژ پارەیان لە قوتابییان وەرگرتبوو.
پێشتریش کوردستان میدیا هەواڵی وەرگرتنی بە زۆرەملێی پارەی لە قوتابییانی گوندی \'\'گردکشانە\'\'ی پیرانشار و قوتابییانی قوتابخانەی شەوانەڕۆژیی \'\'قشڵاخی پرد\'\'ی لە ناوچەی سەقز بڵاو کردبووەوە.
گوشاری ئابووری و کەمیی داهات و دەست کورتیی زۆربەی بنەماڵەکان لەمەڕ دابینکردنی ئەو بڕە پارەیە و لە ئەنجامدا وازهێنان لە خوێندن، سیاسەتێکە کە رێژیمی ئیسلامیی ئێران چەندین ساڵە لە کوردستانی ئێراندا گرتوویەتە بەر و بە شێوەیە دەیهەوێ ئاستی خوێندەواریی نەتەوەی کورد کەم بکاتەوە.
بەپێی بەندی یەکی ماددەی ٢٦ی راگەیەنراوی جیهانیی مافی مرۆڤ بۆ پەروەردە و بارهێنانی بێ بەرانبەر و گشتگیر، هەموو کەسێک مافی پەروەردە و فێربوونی هەیە و ئیدارەی پەروەردە و بارهێنان لانیکەم دەبێ پەروەردەی سەرەتایی و بنەڕەتیی بێ بەرانبەر بۆ هاووڵاتییان تەرخان بکات.
بەشی \'\'ئەلف\'\' لە بەندی ٢ی ماددەی ١٣ی جاڕنامەی جیهانیی مافی ئابووری و کۆمەڵایەتی و فەرهەنگی و پەروەردەی بێ بەرانبەر، کە ئێران ساڵی ١٣٥٤ ناوەڕۆکی ئەو جاڕنامەیەی پەسند کردووە، دەڵێت: پەروەردە و بارهێنانی سەرەتایی دەبێ ئیجباری و بەبێ بەرانبەر بێت و تێکڕای کۆمەڵگا بە ئاسانی بتوانن لێی بەهرەمەند بن.
هەروەها له بەندی دووهەمی ئەسڵی سێیەمی یاسای بنەڕەتیی ئێراندا هاتووە: دەوڵەت ئەرکدارە تێکڕای ئیمکاناتی پەروەردە و بارهێنان بۆ هەموو ئاست و قۆناغەکانی خوێندن دابین بکات و هەروەها لە ئەسڵی ٣٠ی یاسای بنەڕەتیی ئێراندا هاتووە، دەوڵەت ئەرکدارە پێداویستییەکانی پەروەردە و بارهێنانی بێ بەرانبەر بۆ هەموو خەڵک هەتا کۆتایی قۆناغی دواناوەندی دابین بکات و خوێندنی باڵاش هەتا ئاستی خۆبژیویی وڵات بە شێوی بێ بەرانبەر پەرە پێ بدات.
