رۆژی یەکشەممە ٢٦ ی ئۆکتۆبری ٢٠١٧ کۆمیتەی سویسی حیزبی دێموکراتی کوردستان سیمینارێکی سیاسی لە ژێر ناوی "رۆژھەڵاتی کوردستان لە بازنەی کێشەکانی ئێران و ناوچەکەدا" بە بەشداری سەدان کەس لە کوردانی نیشتەجێی ئەو وڵاتە بۆ رێزدار کاک خالید عەزیزی ئەندامی کۆمیتەی ناوەندی حدک پێک ھێنا سەرەتای سیمینارەکە بە پێشکەشکاری خاتوو شیلان موودەرەسی و کاک زوورار زەرزا دەست پێ کرا وسروودی نیشتیمانی ئەی رەقیب ھەڵکرا و ساتێک بێ دەنگی بۆ گیانی پاکی شەھیدان راگەیندرا پاشان کوورتە بیوگرافیەک لە سەر ژیانی سیاسی رێزدار عەزیزی لە لایەن کاک رەحمان ئیبراھیم زادە بۆ بەشدار بوان خوێندرایەوە ، ھەر لە درێژەی کارەکانی سیمینار دا دەستە گووڵی بە خێر ھێنانی کاک خالید لە لایەن کۆمیتەوە لە رێگای خاتوو مریەم عووسمانی پێشکەش بە بەرێزیان کرا کە پاشان کاک خالید دەستە گووڵەکەی لە سەر وێنەی رێبەرانی شەھید دانایەوە و دەستی بە پێشکەش کردنی باسەکەی کرد ، کاک خالید عەزیزی لە قسەکانی دا جەختی لە زۆر شتی گرینگ کردەوە کە ئێمە لە خوارەوە پوختەیەکتان لە باسەکە بۆ دەنووسین : "یەکڕیزی خەڵک لە ڕۆژهەڵاتی کوردستان دەتوانێ ئیدامەیەک بێ بۆ دروستکردنی میللەت بەمانای سیاسی، دەڵێم میللەت بەمانای سیاسی، کە بوویتە میللەت ئەوکات کەلێن بۆ پیلانی تاران و لایەنەکان کەمتر دەبێ و باشتر دەتوانن داواکانی خۆمان بچەسپێنین.... سەبارەت بە خواستی یەکگرتنەوە پەیامی من بۆ خەڵکی ڕۆژهەڵات ئەوەیە بە خەبات و تێکۆشانی خۆتان داواتان لێ دەکەم ئێوە یەکگرتوو بن و لەسەر یەکگرتوویی حزبەکان ڕامەوەستن. هیوادارم خەڵکی ڕۆژهەڵاتی کوردستان خۆتان لە داستانی یەکترشکاندن دووربگرن. میکانیزمەکانی لێکحاڵیبوون و یەکگرتن لە نێوان خۆتان ببیننەوە حیزبی دێموکراتی کوردستان لە داھاتوودا بۆ رۆژھەڵاتی کوردستان بە ئەزموون وەرگرتن لە باشووری کوردستان حەز دەکا لە دوا رۆژ دا ھیچ حیزبێکی چەکدار جیا لە ھێزی پێشمەرگە کە نابێ سەر بە ھیچ حیزبێک بن ، بوونی نەبێ ، بۆ ئەوەی ھیچ کات تووشی رووداوە دڵتەزێنەکانی وەک لە رابردوو دا ھەبوون نەبینەوە رێزدار عەزیزی جەختیشی کردەوە کە ئێمە کێشەمان کە گەڵ دەسەڵاتی حاکم دایەو بۆ ئەوەی بتوانین دەسەڵات وادار بکەین کە گوێمان لێ بگرێ ھەموو رەھەندەکانی خەبات بەتاقی دەکەینەوە ھەروەھا ئەو ھاوکاری و بە ھاناوەچوونی ئەودوایانەی خەڵکی ھەموو ناوچەکانی رۆژھەڵاتی کوردستانی بۆ کرماشان بەرز نرخاند و بە ھەنگاوێکی پیرۆز وەسفی کرد جێگای ئاماژەیە لە کۆتایی دا بەشدار بوان بە سەرنج و تێبینیەکانیان بەشداری باسەکەیان کرد ھەروەھا چەپکە گووڵی کۆمیتەی یەکێتی نیشتیمانی کوردستان لە لایەن بەرێز سۆران عەلی پێشکەش بە رێزدار عەزیزی کرا و سیمینار کۆتایی بە کارەکانی ھێنا جێگای ئاماژەیە کە لە دوانیوەڕۆی ھەمان رۆژ دا رێزداریان لە گەڵ ئەندامان و لایەنگران لە ھەمان شوێن کۆبوونەوەیەکی تەشکیلاتیان پێک ھێنا