دوو بەرپرسی وەزارەتی بەرگریی ئەمریکا ڕۆژی پێنجشەممە٢٧ی پووشپەڕ لە وتووێژێکدا لە گەڵ ڕۆژنامەی نیویۆرک تایمز پشتڕاستیان کردەوە کە ئەمریکا ٥٠٠ سەرباز دەنێرێتە عەرەبستانی سعوودی ئەم ڕۆژنامەیە ئەو کارەی ئەمریکای وەکوو نمایشی تەوانیی نیزامی لە لایەن ئەمریکاوە بە ڕێژیمی ئێران وەسف کرد. پێشتر دەنگۆی جێگیر بوونی ئەم هێزە لە بنکەی هەوایی "ئەمیر سوڵتان" لە ڕۆژهەڵاتی ڕیاز لەلایەن هەواڵدەریی" سی ئێن ئێن"ەوە بڵاوکرایەوە کە لە ئێستادا بەشێک لە سەربازانی ئەمریکایی بۆ دانانی بنکەی مووشەکیی پاتریۆت و باشترکردنی فڕۆکەخانەکە لەوێدا بەسەردەبەن. شایەنی باسە کە عەرەبستان وەکوو هاوپەیمانێکی گرینگی ئەمریکایە و لە دژی سیاسەتەکانی کۆماری ئیسلامییە. هەروەها کە ئەمریکا هێزەکانی پێشتر لە ڕۆژهەڵاتی ناوەڕاست جێگر کردبوو، عەرەبستان پشتیوانیی ماڵی و نیزامیی لێیان دەکرد و ئێستاش بە تەواوی هێزییەوە لەگەڵ هێزەکانی ئەمریکایە.