![](/kurdistan-kurd/ku/wp-content/uploads/2022/07/photo_2022-07-21_11-38-13.jpg)
ئەویندارانی ڕێبازی پیرۆزی حیزبی دێموکراتی کوردستان لە ناوچەی کامیاران، بەبۆنەی یادکردنەوە لە یادی شەهید د.قاسملوو بە بڵاوکردنەوەی وێنە و دروشمی تایبەت، چالاکیی تەبلیغییان بەڕێوە برد.
بەپی هەواڵی گەیشتوو بە ناوەندی ڕاگەیاندنی حیزبی دێموکراتی کوردستان، چەند ڕۆژ پێش، لایەنگران و هۆگرانی ڕێبازی پیرۆزی حیزبی دێموکراتی کوردستان، لە ئاوایی "لۆن سادات"ـی سەربە شاری کامیاران، بەبۆنەی یادکردنەوە لە یاد و بیرەوەریی شەهیدی ڕێبەر دوکتور عەبدولڕەحمان قاسملوو، بە بڵاو کردنەوەی وێنە و دروشمی تایبەت چالاکای تەلبلیغییان بەڕێوە برد و بەڵێن پەیمانیان لەگەڵ ڕێبازی د،قاسملوو نوێ کردەوە.
لە لایەن کۆمیسیۆنی تەشکیلاتی حیزبی دێموکراتی کوردستانەوە دەسخۆشی و ماندوو نەبوونیی دەکەین لە دڵسۆزان و لایەنگرانی حیزب لە لۆنی سادات لە ناوچەی کامیاران و سەرکەوتنی زیاتریان بۆ بە ئاوات دەخوازین.