كوردستان میدیا: كۆمیسیۆنی تەشكیلاتی حیزبی دێمۆكراتی كوردستانی ئێران، بە بۆنەی ٢٤ـەمین ساڵوەگەڕی شەهیدكرانی د. عەبدولڕەحمان قاسملوو و هاوڕێیانی بانگەوازێكی روو بە خەڵكی كوردستان بڵاو كردەوە.
دەقی بانگەوازەكە
خەڵكی بە ئەمەگ و ئازادیخوازی كوردستان
ئەندامان و لایەنگرانی حیزبی دێمۆكراتی كوردستانی ئێران
لەرۆژی ٢٢ی پووشپەری ساڵی ١٣٦٨ی هەتاوی، بەرامبەر بە ١٣ی ژوئیەی ١٩٨٩ی . ز، دیپلۆمات ـ تیرۆریستەكانی كۆماری ئیسلامیی ئێران لەشاری وییەن، بە هۆی پلانێكی لە پێشدا دارێژراو و لەسەر مێزی وتوووێژ دوكتور عەبدولڕەحمان قاسملوو، سكرتێری گشتیی حیزب، كاك عەبدوڵڵا قادری ئازەر، ئەندامی كۆمیتەی ناوەندی‌‌و نوێنەری حیزب لەئور‌ووپا و دوكتور فازل رەسووڵیان كردە ئامانجی تیرۆر و شەهیدیان كردن. لەراستیدا رێژیم بەو كارەی، لە هەمبەر نیازپاكی و پڕەنسیپی ئاشتیخوازانەی د.قاسملوو بە مەبەستی چارەسەری ئاشتیانەی پرسی نەتەوەیی، رێوشوێنی تیرۆریستیی گرتە بەر و بەو كردارە و گەلێك كردەوەی هاوچەشنی دیكە، لەپێوەندی لە گەڵ جیابیران و نەیارانی و لەناوخۆ و دەرەوەی وڵات، تیرۆریسمی كردۆتە ناسنامە و سیاسەتێكی رەسمی و هەمیشەیی خۆی، سیاسەتێك كە رەوتێكی دانەبڕاوەی بە دواوە بووە لەسەركوت و داپڵۆسینی جیابیران، تێكۆشەران و ئازادیخوازانی وڵاتەكەمان.
خەڵكی نیشتمانپەروەری كوردستان
لەبەرەبەری ٢٤ـەمین ساڵوەگەڕی شەهید كرانی د. عەبدولڕەحمان قاسملوو و هاوڕێیانیدا، هەر وەك ساڵانی پێشوو، بۆ رێزگرتن لەخەبات و تێكۆشانی شەهیدانی وییەن و نیشاندانی وەفاداری بە رێبازیان، هەروەها بۆ مەحكووم كردنی تیرۆریزمی كۆماری ئیسلامیی ئێران، لەهەموو خەڵكی ئازادیخوازی كوردستان داواكارین كە لە ٢٢ی پووشپەڕی ئەمساڵدا بە هەر شێوەیەك و لە هەر شوێنێك پێتان دەكڕی بە رەچاو كردنی ئەم خاڵانەی خوارەوە، ناڕەزایەتی و بیریی هاوخەباتی خۆتان دەرببڕن:
- لەبەر كردنی جلوبەرگی كوردی
- هەڵكردنی ئاڵای كوردستان و كەڵك وەرگرتن لەرەنگی ئاوی ئاسمانی بە شێوەی جۆراوجۆر
ـ كوژاندنەوەی چرای ماڵەكان بۆ ماوەی ٣ دەقە، لەكاتژمێر ١١ی شەو بە كاتی تاران ( لەشەوی ٢٢ی پووشپەڕدا)
با بە حەرەكەتی ئێعترازی، یادی قوربانیانی دەستی تاوان و تیرۆریزم بكەینە هەوێنی یەكڕیزی و هاوخەباتی، هەر وەك رابردوو بسەلمێنین كە رێبازی قاسملووی رێبەر، رێبازی نەتەوەیی ـ دێمۆكراتیكی نەتەوەی خەباتكار و ماف ویستی كوردە، با بە ئەمەگ ناسییەوە وەفاداریی خۆمان بە رێبازی شەهیدانی وییەن چەند پات بكەینەوە و بە هەڵوێستی بوێرانە و بیری شۆڕ‌شگێڕانەمان، بەرهەڵستی دوژمنانی ئازادی ببینەوە و یاد و رێبازی شەهیدانی ٢٢ی پووشپەڕ بەرز رابگرین.
وەفاداری و بەردەوامی بۆ رێبازی شەهیدانی وییەن
سەركەوتن بۆ بزووتنەوەی نەتەویی ـ دێمۆكراتیكی خەڵكی كوردستان
حیزبی دێمۆكراتی كوردستانی ئێران
كۆمیسیۆنی تەشكیلات
پووشپەڕی ١٣٩٢ی هەتاوی
دەقی بانگەوازەكە
خەڵكی بە ئەمەگ و ئازادیخوازی كوردستان
ئەندامان و لایەنگرانی حیزبی دێمۆكراتی كوردستانی ئێران
لەرۆژی ٢٢ی پووشپەری ساڵی ١٣٦٨ی هەتاوی، بەرامبەر بە ١٣ی ژوئیەی ١٩٨٩ی . ز، دیپلۆمات ـ تیرۆریستەكانی كۆماری ئیسلامیی ئێران لەشاری وییەن، بە هۆی پلانێكی لە پێشدا دارێژراو و لەسەر مێزی وتوووێژ دوكتور عەبدولڕەحمان قاسملوو، سكرتێری گشتیی حیزب، كاك عەبدوڵڵا قادری ئازەر، ئەندامی كۆمیتەی ناوەندی‌‌و نوێنەری حیزب لەئور‌ووپا و دوكتور فازل رەسووڵیان كردە ئامانجی تیرۆر و شەهیدیان كردن. لەراستیدا رێژیم بەو كارەی، لە هەمبەر نیازپاكی و پڕەنسیپی ئاشتیخوازانەی د.قاسملوو بە مەبەستی چارەسەری ئاشتیانەی پرسی نەتەوەیی، رێوشوێنی تیرۆریستیی گرتە بەر و بەو كردارە و گەلێك كردەوەی هاوچەشنی دیكە، لەپێوەندی لە گەڵ جیابیران و نەیارانی و لەناوخۆ و دەرەوەی وڵات، تیرۆریسمی كردۆتە ناسنامە و سیاسەتێكی رەسمی و هەمیشەیی خۆی، سیاسەتێك كە رەوتێكی دانەبڕاوەی بە دواوە بووە لەسەركوت و داپڵۆسینی جیابیران، تێكۆشەران و ئازادیخوازانی وڵاتەكەمان.
خەڵكی نیشتمانپەروەری كوردستان
لەبەرەبەری ٢٤ـەمین ساڵوەگەڕی شەهید كرانی د. عەبدولڕەحمان قاسملوو و هاوڕێیانیدا، هەر وەك ساڵانی پێشوو، بۆ رێزگرتن لەخەبات و تێكۆشانی شەهیدانی وییەن و نیشاندانی وەفاداری بە رێبازیان، هەروەها بۆ مەحكووم كردنی تیرۆریزمی كۆماری ئیسلامیی ئێران، لەهەموو خەڵكی ئازادیخوازی كوردستان داواكارین كە لە ٢٢ی پووشپەڕی ئەمساڵدا بە هەر شێوەیەك و لە هەر شوێنێك پێتان دەكڕی بە رەچاو كردنی ئەم خاڵانەی خوارەوە، ناڕەزایەتی و بیریی هاوخەباتی خۆتان دەرببڕن:
- لەبەر كردنی جلوبەرگی كوردی
- هەڵكردنی ئاڵای كوردستان و كەڵك وەرگرتن لەرەنگی ئاوی ئاسمانی بە شێوەی جۆراوجۆر
ـ كوژاندنەوەی چرای ماڵەكان بۆ ماوەی ٣ دەقە، لەكاتژمێر ١١ی شەو بە كاتی تاران ( لەشەوی ٢٢ی پووشپەڕدا)
با بە حەرەكەتی ئێعترازی، یادی قوربانیانی دەستی تاوان و تیرۆریزم بكەینە هەوێنی یەكڕیزی و هاوخەباتی، هەر وەك رابردوو بسەلمێنین كە رێبازی قاسملووی رێبەر، رێبازی نەتەوەیی ـ دێمۆكراتیكی نەتەوەی خەباتكار و ماف ویستی كوردە، با بە ئەمەگ ناسییەوە وەفاداریی خۆمان بە رێبازی شەهیدانی وییەن چەند پات بكەینەوە و بە هەڵوێستی بوێرانە و بیری شۆڕ‌شگێڕانەمان، بەرهەڵستی دوژمنانی ئازادی ببینەوە و یاد و رێبازی شەهیدانی ٢٢ی پووشپەڕ بەرز رابگرین.
وەفاداری و بەردەوامی بۆ رێبازی شەهیدانی وییەن
سەركەوتن بۆ بزووتنەوەی نەتەویی ـ دێمۆكراتیكی خەڵكی كوردستان
حیزبی دێمۆكراتی كوردستانی ئێران
كۆمیسیۆنی تەشكیلات
پووشپەڕی ١٣٩٢ی هەتاوی
