کوردستان میدیا: نوێنه‌ری حیزبی دێمۆکراتی کوردستانی ئێران له‌ کۆبوونه‌وه‌ی ساڵانه‌ی حیزبی سه‌وزی سویس به‌شداریی کرد و چاوی به‌ ژماره‌یه‌ک که‌سایه‌تیی ئه‌و حیزبه‌ که‌وت.


به‌پێی راپۆرتی ماڵپه‌ڕی کوردستان میدیا، رێکه‌وتی ٤ی خه‌رمانانی ١٣٩١ی هه‌تاوی، شاندێکی کۆمیته‌ی حیزبی دێمۆکراتی کوردستانی ئێران ــ سویس، به سه‌رپه‌رستیی بەێز باوا ئەلیاسی له‌سه‌ر بانگهێشتی فه‌رمیی حیزبی سه‌وزی سویس له‌ کۆبوونه‌وه‌ی ساڵانه‌ی ئه‌و حیزبه‌دا به‌شداریی کرد.
له‌و کۆبوونه‌وه‌دا به‌ به‌شداریی زیاتر له‌ ١٥٠ نوێنه‌ر، به‌رنامه‌ و پرۆژه‌کانی حیزبی سه‌وزی سویس که‌ بۆ هه‌ڵبژاردنی مانگی سێپتامبر گه‌ڵاڵه‌ و ئاماده‌ کرابوو، خرانه‌ به‌رباس.
له‌و کۆبوونه‌وه‌دا نوێنه‌ری حیزب چاوی به‌ ژماره‌یه‌ک که‌سایه‌تیی حیزبی سه‌وزی سویس که‌وت.