كوردستان میدیا: شاندێكی كۆمیتەی حیزبی دێمۆكراتی كوردستانی ئێران لە وڵاتی ئوتریش بە سەرپەرستی بەرێز د. جەزا ساڵحی لە رێوڕەسمی رێز لێنان لە پێشمەرگە دێرینەكانی یەكیەتی نیشتمانی كوردستان بەشداریی كرد.
بەپێی هەواڵی ماڵپەڕی كوردستان میدیا، رۆژی یەكشەممە رێكەوتی 18ی خاكەلێوە لەسەر بانگهێشتی كۆمیتەی یەكیەتی نیشتمانی كوردستان لە ئوتریش شاندێكی كۆمیتەی حیزبی دێمۆكرات لەو وڵاتە بەشداری لە رێوڕەسمی رێز لێنان لە پێشمەرگە دێرینەكانی ئەو حیزبەی كرد.
لەو كۆڕەدا پێنج پێشمەرگەی دێرینی یەكیەتی نیشتمانی كوردستان و حیزبی شیوعی كوردستان مداڵی رێز لێنانیان پێ‌بەخشرا.
هەر بەو بۆنەوە كۆمیتەی حیزبی دێمۆكراتی كوردستانی ئێران پەیامێكی پیرۆزبایی پێشكەش بە رێوڕەسمەكە كرد.