کوردستان میدیا

ماڵپەڕی ناوەندیی حیزبی دێموکراتی کوردستانی ئێران

مارسک، گواستنه‌وه‌ی شتومه‌کی له‌ رێگه‌ی ده‌ریاوه‌ بۆ ئێران راگرت

16:10 - 19 رەزبەر 2712

کوردستان میدیا: گه‌وره‌ترین کۆمپانیی گواستنه‌وه‌ی شتومه‌ک له‌ رێگه‌ی ده‌ریاوه، به‌هۆی گه‌مارۆ نێوده‌وڵه‌تییه‌کان، کۆتایی به‌ هاوکارییه‌کانی خۆی له‌گه‌ڵ ئێران هێناوه.


ئه‌و شیرکه‌ته‌ رایگه‌یاندووه‌ که‌ له‌مه‌و به‌دوا هیچ بارێک له‌ رێگه‌ی ئه‌و شیرکه‌ته‌وه‌ نانێردرێته‌ ئێران و ئاماده‌ نییه پێگه‌ی جیهانیی خۆی به‌ هاوکاری کرن له‌گه‌ڵ ئێران له‌ده‌ست بدات.
وته‌بێژی مارسک رایگه‌یاندووه، که‌شتییه‌کانی ئه‌و شیرکه‌ته که‌ زیاتر شتومه‌کی خوارده‌مه‌نیی بۆ ئێران راده‌گواست، به‌ هۆی گه‌مارۆکان توانای درێژه‌دان به‌ هاوکارییه‌کانی له‌گه‌ڵ ئێران نییه.
به‌هۆی گه‌مارۆکان، رۆژبه‌رۆژ سات و سه‌ودا نێوده‌وڵه‌تییه‌کانی رێژیم ئێران ئاڵۆزتر ده‌بن و به‌ توندتر کردنه‌وه‌ی گه‌مارۆکان، رێژیم ئێران زێده‌تر گۆشه‌گیر ده‌بێت.
نوێترین گه‌مارۆی ئه‌مریکا له‌دژی رێژیمی ئێران ئه‌مڕۆ به‌ فرمانی باراک ئۆباما سه‌رکۆماری ئه‌و وڵاته، که‌ له‌لایه‌ن کۆنگره‌ی ئه‌مریکاوه‌ په‌سند کراوه، جێبه‌جێ ده‌کرێت و که‌سایه‌تییه‌ حقووقی و حه‌قیقییه‌کان که‌له‌ بواری به‌رهه‌مه‌ نه‌وتی و پێترۆشیمییه‌کان، خزمه‌تگوزاریی بیمه و که‌شتی‌وانی کار ده‌که‌ن، ده‌کاته‌ ئامانج.