کوردستان میدیا: لەم دیدارەدا، کۆمەڵێک باس و بابەتی پێوەندیدار بە ئێران و دروشمی فیدراڵی و هەروەها کۆنگرەی نەتەوەکانی ئێران فیدراڵ تاوتوێ کران.
بەپێی هەواڵی ماڵپەڕی کوردستان میدیا، رێکەوتی ١ی خەرمانانی ١٣٩١ی هەتاوی، شاندێکی کۆمیتەی حیزبی دێموکراتی کوردستانی ئێران ـــ سویس، بە سەرپەرستیی \'\'باوا ئەلیاسی\'\' بەرپرسی کۆمیتە، لەگەڵ \'\'پیتر هۆگ\'\' سکرتێری پێوەندییە نێونەتەوەیی‌یەکانی پارتی سوسیال دێموکراتی سویس دیدار و چاوپێکەوتنی پێکهێنا.
لەم دانیشتەدا چەندین تەوەر سەبارەت بە كۆنگرەی نەتەوەكانی ئێرانی فیدراڵ، دروشمی فیدراڵیزم، هەوڵدان بۆ باس كردنی كێشەكانی كورد لە پارلمانی سویس لەسەریان باس و ئاڵوگۆڕی بیروڕا کرا.