کوردستان میدیا: هاووڵاتییەکی کورد لە شاری بۆکان بە تۆمەتی ئەمنیەتی بە ٦ مانگ زیندانیی تەعزیری حوکم درا.
بەپێی هەواڵی گەیشتوو بە ماڵپەڕی کوردستان میدیا، هیوا کازمی تەمەن ٣٢ ساڵ، بە تاوانی هاوکاری لەگەڵ حیزبێکی دژبەری رێژیمی کۆماری ئیسلامیی ئێران لەلایەن دادگای شاری بۆکانـەوە بە ٦ مانگ زیندان حوکم درا.
ئەو هاووڵاتییە کوردە لە رێکەوتی ٢١‌ی خەزەڵوەری ئەمساڵ لەلایەن هێزە ئیتلاعاتییەکانەوە دەسبەسەر و بۆ ماوەی ٢ مانگ لە گرتنگەی ئەو ناوەندە ئەمنیەتییە لە ورمێ‌راگیرابوو.
هیوا کازمی دوای دوو مانگ راگیران لە گرتنگەی ئیدارەی ئیتلاعاتدا بە دانانی وەسیقە ئازاد کرابوو.