کوردستان میدیا

ماڵپەڕی ناوەندیی حیزبی دێموکراتی کوردستانی ئێران

ئه‌مریکا به‌مه‌به‌ستی هێرش کردن بۆ سه‌ر سووریه‌ هێزه‌کانی ته‌یار ده‌کات

15:33 - 20 رەزبەر 2712

کوردستان میدیا: رۆژنامه‌ی نیویورک تایمز بڵاوی کرده‌وه، له‌ حاڵی حازردا ژماره‌یه‌ک له‌ هێزه‌ تایبه‌تییه‌کانی حکوومه‌تی ئه‌مریکا چوونه‌ته‌ خاکی ئوردون و له‌ باکووری ئه‌و وڵاته‌ جێگیر کراون.


سه‌رچاوه‌که‌ ئاشکرای کردووه، ئه‌و هێزانه‌ به‌مه‌به‌ستی به‌رگریی کردن له‌ په‌نابه‌رانی سووریه‌ له‌ خاکی ئوردون چوونه‌ته‌ ئه‌و وڵاته‌ و هه‌روه‌ها له‌ درێژه‌شدا ئاماژه‌ی به‌وه‌ کردووه، هێزه‌ ئه‌مریکاییه‌کان دیانهه‌وێ‌ که‌ڵک له‌ خاکی ئوردون به‌مه‌به‌ستی هێرش بۆ سه‌ر سووریه‌ وه‌ربگرن.
له‌لایه‌کی دیکه‌وه‌ ماڵپه‌ڕی میدل ئیس ئانلاین بڵاوی کرده‌وه، ئه‌و هێزه‌ تایبه‌تانه‌ ژماره‌یه‌یان ١٥٠ که‌سه‌ و له کۆمه‌ڵێک شاره‌زا و پسپۆڕی گۆڕه‌پانی شه‌ڕ پێک هاتووه.
سه‌رچاوه‌که‌ له‌و باوه‌ڕه‌ دایه، ئه‌و هێزانه‌ له‌کاتی روودانی هه‌رچه‌شنه‌ شه‌ڕ و ئاڵوزییه‌ک و دروست کردنی بشێوی له‌لایه‌ن سووریه‌وه، ده‌چنه‌ خاکی ئه‌و وڵاته‌وه.
ئه‌و هێزانه‌ له‌ ٥٥ کیلومیتریی باکووری عه‌مان پایه‌ته‌ختی ئوردون جێگیر کراون.
ویلایه‌ته‌ یه‌کگرتووه‌کانی ئه‌مریکا دوابه‌دوای شه‌ڕ و پێکدادانه‌کانی تورکیه‌ و سووریه‌ له‌ ناوچه‌ سنوورییه‌کان، هه‌وڵه‌کانی وه‌گه‌ڕ خستووه.