كوردستان میدیا: ژمارەیەك لەرێكخراوە كوردییەكان لەوڵاتی نوروێژ ناڕەزایەتیان بە هەوڵی ئەو وڵاتە لەپێوەندیی دیپۆڕت كردنەوەی دایك و كوڕێكی خەڵكی شاری مەهاباد بۆ ئێران دەبڕی و لەو پێوەندییەدا نامەیەكی ئیعترازیشیان پێشكەش بە چەند ناوەندی مافی مرۆڤ لەوڵاتی نوروێژ كرد.
بەپێی هەواڵی ماڵپەڕی كوردستان میدیا، نوێنەرانی كۆمیتەی گشتی كۆمەڵەی كولتوری كوردی، یەكیەتی لاوان و یەكیەتی ژنانی دێمۆكراتی كوردستانی ئێران لەوڵاتی نوروێژ بەمەبەستی ناڕەزایەتی دەربڕین بە دیپۆڕت كردنەوەی دوو هاووڵاتیی كوردستانی رۆژهەڵات سەردانی رێكخراوی كۆچبەران ـ رێكخراوی نوروێژی پەنابەرـ شۆرای مافی كوردان ـ رێكخراوی لێبوردنی نێونەتەوەییان كرد.
رۆژی سێ‌شەممە رێكەوتی ٢٤ی بانەمەڕ دوو پەنابەری كوردستانی رۆژهەڵات بە ناوەكانی فاتمە مەعرووفی و ئەمین مەزافی (دایك و كوڕ) كە خەڵكی ناوچەی مهاباد بوون لەرێگەی فڕۆكەخانەی ترۆنداهایم لەنۆروێژ، رەوانەی وڵاتی ئێران كرانەوە.
هەر لەو پێوەندییەدا ژمارەیەك لەرێكخراوە كوردییەكان راگەیەندراوێكیان لەپێوەندیی دیپۆرت كردنەوەی ئەو دوو هاووڵاتییە كوردە بڵاو كردۆتەوە.
دەقی راگەیەندراوەكە:
به‌داخێکی گرانه‌وه هه‌واڵی دیپۆرت واته ناردنه‌وه‌ی زۆره‌ملی به‌شێکی به‌رچاو له په‌ناخوازه‌کانی نوروێژمان پێگه‌یشت که پۆلیسی ئه‌و وڵاته رۆژی سێشه‌ممه رێکه‌وتی ١٤ مەی٢٠١٣ی زایینی ، کاتژمێر ١٠ی سه‌ر له‌به‌یانی له فڕۆکه‌‌خانه‌ی ترۆندهایمه‌وه ره‌وانه‌ی ئێرانی کردوونه‌ته‌وه.
فاتمه مه‌عرووفی و ئه‌مین مه‌زافی دایک و کوڕێکی کوردی رۆژهه‌ڵاتی کوردستان بوون که سێ ساڵ له‌مه‌وبه‌ر په‌نایان بۆ وڵاتی نوروێژ هێنابوو و وه‌ک په‌ناخواز له‌و وڵاته‌ده‌ژیان. به‌ڵام به‌داخه‌وه ئه‌و وڵاته په‌نای نه‌دان و لەهێرشێکی کتوپڕ و لەنه‌کاودا، له‌گه‌ڵ سی، چل که‌سی دیکه‌ی په‌ناخواز، دەسبەسەر و راگوێزی ئێران کرانه‌وه.
ئه‌وه له حاڵێکدایه که رێژیمی کۆماری ئیسلامی ئێران، رۆژ له‌گه‌ڵ رۆژ و هه‌ر رۆژه به شکڵ و شێوه‌یه‌ک، دژی نه‌ته‌وه بن‌ده‌ست و زۆرلێکراوه‌که‌مان پیلان ده‌گێڕێ و بۆ سه‌رکوت و جه‌زره‌به‌ی زیاتری خه‌ڵکی کورد له بڕوبیانوو ده‌گه‌ڕێت. یه‌کێک له نوێترین پیلانه‌کانی ئه‌و رێژیمه دژه ئینسانییه، بێ‌ڕێزی کردن به ژن و جل‌وبه‌رگی ژنانی کورد له شاری مه‌ریوان بوو.
رێژیمی داگیرکه‌ر و سه‌رکوتکه‌ری کۆماری ئیسلامی، سه‌ره‌ڕای زه‌بر و زه‌نگ و گوشاری نامرۆڤانه بۆ سه‌ر ژنان و لاوان و چین و توێژه جیاجیاکانی نه‌ته‌وه‌که‌مان، به‌رده‌وام له هه‌وڵی سڕینه‌وه‌ی ئاسه‌وار و شوێنه‌واری کولتووری و زمانیی دایه و له هیچ هه‌وڵێک بۆ دژایه‌تی کردن له‌گه‌ڵ کورد و به‌ها و بایخه‌نه‌ته‌وه‌ییه‌کان ناوه‌ستێ و له هیچ هه‌نگاوێکی ناجوانمێرانه ناپرینگێته‌وه.
ناردنه‌وه‌ی زۆره‌ملی ژن و لاوێکی کورد پاش سێ ساڵ چاوه‌ڕوانی بۆ ژێرسایه‌ی حکوومه‌تێکی ئاوا زۆردار و سه‌ره‌ڕۆ، ئه‌ویش به بێ هیچ‌چه‌شنه زه‌مانه‌ت و گارانتێکی جه‌سته‌یی و ماڵی، کارێکی ناپه‌سند و هه‌ڵویستێکی نابه‌رپرسانه‌یه. چونکه ئه‌گه‌ر له‌لایه‌ک توند و تیژی له پساننه‌هاتووی کۆماری ئیسلامی به‌رانبه‌ر به ژن و لاوی کورد مه‌ترسێکی گه‌وره‌یه، له لایه‌کی دیکه‌وه ناڕوونی دۆخی ژیانێکی نادیاری داهاتوو و لۆمه و ناتۆره‌ی ژمارەیەک خه‌ڵک ده‌مارگرژ بۆ ژنێکی سه‌رهه‌ڵگرتوو و هه‌ڵوه‌دا، مه‌ترسێکی گه‌وره‌تر ده‌خاته روو.
بۆیه ئێمه وه‌ک کۆمیته‌ی گشتی کۆمه‌ڵه‌ی کولتووری کوردی، یه‌کێتی لاوان و یه‌کێتی ژنانی دێموکڕاتی کوردستانی ئێران له نوروێژ، وێڕای ده‌ربڕینی هه‌ستی هاوخه‌می و نیگه‌رانی، ئه‌و هه‌ڵوێسته‌ی بڕیارده‌رانی وڵاتی نوروێژ، به هه‌ڵوێستێکی نابه‌رپرسانه و دوور له پره‌نسیپه مرۆیی و ئینسانییه‌کان ده‌زانین و هیوا ده‌خوازین کاربه‌ده‌ستانی نوروێژ له ئاست ناردنه‌وه‌ی خوشک و برا کورده‌کانمان به‌تایبه‌ت ژنان و لاوانی رۆژهه‌ڵات به‌رپرسانه‌تر هه‌ڵسوکه‌وت بکه‌ن و چاره‌نووسیان به کۆماری ئیسلامی و داهاتۆکی لێڵ و ناڕوون نه‌سپێرن.
كۆمیتەی گشتی كۆمەڵەی كولتوری كوردی لە نوروێژ
یەكیەتی لاوانی دێمۆكراتی كوردستانی ئێران
یەكیەتی ژنانی دێمۆكراتی كوردستانی ئێران
١٥ی مەی ٢٠١٣ی زایینی
بەپێی هەواڵی ماڵپەڕی كوردستان میدیا، نوێنەرانی كۆمیتەی گشتی كۆمەڵەی كولتوری كوردی، یەكیەتی لاوان و یەكیەتی ژنانی دێمۆكراتی كوردستانی ئێران لەوڵاتی نوروێژ بەمەبەستی ناڕەزایەتی دەربڕین بە دیپۆڕت كردنەوەی دوو هاووڵاتیی كوردستانی رۆژهەڵات سەردانی رێكخراوی كۆچبەران ـ رێكخراوی نوروێژی پەنابەرـ شۆرای مافی كوردان ـ رێكخراوی لێبوردنی نێونەتەوەییان كرد.
رۆژی سێ‌شەممە رێكەوتی ٢٤ی بانەمەڕ دوو پەنابەری كوردستانی رۆژهەڵات بە ناوەكانی فاتمە مەعرووفی و ئەمین مەزافی (دایك و كوڕ) كە خەڵكی ناوچەی مهاباد بوون لەرێگەی فڕۆكەخانەی ترۆنداهایم لەنۆروێژ، رەوانەی وڵاتی ئێران كرانەوە.
هەر لەو پێوەندییەدا ژمارەیەك لەرێكخراوە كوردییەكان راگەیەندراوێكیان لەپێوەندیی دیپۆرت كردنەوەی ئەو دوو هاووڵاتییە كوردە بڵاو كردۆتەوە.
دەقی راگەیەندراوەكە:
به‌داخێکی گرانه‌وه هه‌واڵی دیپۆرت واته ناردنه‌وه‌ی زۆره‌ملی به‌شێکی به‌رچاو له په‌ناخوازه‌کانی نوروێژمان پێگه‌یشت که پۆلیسی ئه‌و وڵاته رۆژی سێشه‌ممه رێکه‌وتی ١٤ مەی٢٠١٣ی زایینی ، کاتژمێر ١٠ی سه‌ر له‌به‌یانی له فڕۆکه‌‌خانه‌ی ترۆندهایمه‌وه ره‌وانه‌ی ئێرانی کردوونه‌ته‌وه.
فاتمه مه‌عرووفی و ئه‌مین مه‌زافی دایک و کوڕێکی کوردی رۆژهه‌ڵاتی کوردستان بوون که سێ ساڵ له‌مه‌وبه‌ر په‌نایان بۆ وڵاتی نوروێژ هێنابوو و وه‌ک په‌ناخواز له‌و وڵاته‌ده‌ژیان. به‌ڵام به‌داخه‌وه ئه‌و وڵاته په‌نای نه‌دان و لەهێرشێکی کتوپڕ و لەنه‌کاودا، له‌گه‌ڵ سی، چل که‌سی دیکه‌ی په‌ناخواز، دەسبەسەر و راگوێزی ئێران کرانه‌وه.
ئه‌وه له حاڵێکدایه که رێژیمی کۆماری ئیسلامی ئێران، رۆژ له‌گه‌ڵ رۆژ و هه‌ر رۆژه به شکڵ و شێوه‌یه‌ک، دژی نه‌ته‌وه بن‌ده‌ست و زۆرلێکراوه‌که‌مان پیلان ده‌گێڕێ و بۆ سه‌رکوت و جه‌زره‌به‌ی زیاتری خه‌ڵکی کورد له بڕوبیانوو ده‌گه‌ڕێت. یه‌کێک له نوێترین پیلانه‌کانی ئه‌و رێژیمه دژه ئینسانییه، بێ‌ڕێزی کردن به ژن و جل‌وبه‌رگی ژنانی کورد له شاری مه‌ریوان بوو.
رێژیمی داگیرکه‌ر و سه‌رکوتکه‌ری کۆماری ئیسلامی، سه‌ره‌ڕای زه‌بر و زه‌نگ و گوشاری نامرۆڤانه بۆ سه‌ر ژنان و لاوان و چین و توێژه جیاجیاکانی نه‌ته‌وه‌که‌مان، به‌رده‌وام له هه‌وڵی سڕینه‌وه‌ی ئاسه‌وار و شوێنه‌واری کولتووری و زمانیی دایه و له هیچ هه‌وڵێک بۆ دژایه‌تی کردن له‌گه‌ڵ کورد و به‌ها و بایخه‌نه‌ته‌وه‌ییه‌کان ناوه‌ستێ و له هیچ هه‌نگاوێکی ناجوانمێرانه ناپرینگێته‌وه.
ناردنه‌وه‌ی زۆره‌ملی ژن و لاوێکی کورد پاش سێ ساڵ چاوه‌ڕوانی بۆ ژێرسایه‌ی حکوومه‌تێکی ئاوا زۆردار و سه‌ره‌ڕۆ، ئه‌ویش به بێ هیچ‌چه‌شنه زه‌مانه‌ت و گارانتێکی جه‌سته‌یی و ماڵی، کارێکی ناپه‌سند و هه‌ڵویستێکی نابه‌رپرسانه‌یه. چونکه ئه‌گه‌ر له‌لایه‌ک توند و تیژی له پساننه‌هاتووی کۆماری ئیسلامی به‌رانبه‌ر به ژن و لاوی کورد مه‌ترسێکی گه‌وره‌یه، له لایه‌کی دیکه‌وه ناڕوونی دۆخی ژیانێکی نادیاری داهاتوو و لۆمه و ناتۆره‌ی ژمارەیەک خه‌ڵک ده‌مارگرژ بۆ ژنێکی سه‌رهه‌ڵگرتوو و هه‌ڵوه‌دا، مه‌ترسێکی گه‌وره‌تر ده‌خاته روو.
بۆیه ئێمه وه‌ک کۆمیته‌ی گشتی کۆمه‌ڵه‌ی کولتووری کوردی، یه‌کێتی لاوان و یه‌کێتی ژنانی دێموکڕاتی کوردستانی ئێران له نوروێژ، وێڕای ده‌ربڕینی هه‌ستی هاوخه‌می و نیگه‌رانی، ئه‌و هه‌ڵوێسته‌ی بڕیارده‌رانی وڵاتی نوروێژ، به هه‌ڵوێستێکی نابه‌رپرسانه و دوور له پره‌نسیپه مرۆیی و ئینسانییه‌کان ده‌زانین و هیوا ده‌خوازین کاربه‌ده‌ستانی نوروێژ له ئاست ناردنه‌وه‌ی خوشک و برا کورده‌کانمان به‌تایبه‌ت ژنان و لاوانی رۆژهه‌ڵات به‌رپرسانه‌تر هه‌ڵسوکه‌وت بکه‌ن و چاره‌نووسیان به کۆماری ئیسلامی و داهاتۆکی لێڵ و ناڕوون نه‌سپێرن.
كۆمیتەی گشتی كۆمەڵەی كولتوری كوردی لە نوروێژ
یەكیەتی لاوانی دێمۆكراتی كوردستانی ئێران
یەكیەتی ژنانی دێمۆكراتی كوردستانی ئێران
١٥ی مەی ٢٠١٣ی زایینی
