کوردستان میدیا: یەکیەتیی زانایانی ئایینیی کوردستانی ئێران، بە بۆنەی ٢٢ـەمین ساڵیادی شەهیدکرانی دوکتور شەرەفکەندی و هاوڕێیانی لەلایەن رێژیمی ئێرانەوە لە وڵاتی ئاڵمان، پەیامێکی بڵاو کردەوە.
 
دەقی پەیامەکەی یەکیەتیی زانایانی ئایینیی کوردستانی ئێران کە بۆ ماڵپەڕی کوردستان میدیا نێردراوە، بەم چەشنەیە:

هاونیشتمانانی هێژا
جه‌ماوه‌ری تێکۆشه‌ری کوردستان
مامۆستایانی ئایینی نیشتمانپه‌روه‌ر
 
٢٢ ساڵ له‌مه‌وبه‌ر ده‌ستی تاوان ئه‌ستێره‌ی پڕشنگداری گه‌له‌که‌مانی له‌وڵاتی ئاڵمان کوژانده‌وه‌، شه‌مشه‌مه‌کوێره‌کانی کۆماری ئیسلامیی ئێران که‌هه‌نیسکیان به‌تاریکایی گرتبوو، بۆ جارێکیتر ئه‌مجار له‌وڵاتێکیتر رێبه‌ری هه‌میشه‌زیندووی نه‌ته‌وه‌که‌مان و سکرتێری گشتیی حیزبی دێموکراتی کوردستانی ئێران و چه‌ند تێکۆشه‌ری دیکه‌ی ئه‌م حیزبه‌یان  ناجوامێرانه‌ له‌ ریستورانی میکۆنووس تیرۆر کرد.

کۆماری په‌ت و سێداره‌و تیرۆری ئێران ویستی به‌شه‌هید کردنی ئه‌م رێبه‌ره‌بلیمه‌ته‌ی نه‌ته‌وه‌که‌مان کۆتایی به‌شۆڕشی مافخوازی ئه‌م گه‌له‌به‌ش خوراوه‌بێنێت به‌ڵام هه‌روه‌ک پیلانه كانی پێشووتری شکستی هێنا و خه‌ڵکی کورد چالاکتر له‌ پێشوو هاواری مافخوازی خۆیان به‌رزکرده‌وه‌.

هه‌ر به‌م بۆنه‌وه‌ یه‌کیەتیی زانایانی ئایینیی کوردستانی ئێران هاوخه‌می خۆی له‌گه‌ڵ حیزبی دێموکراتی کوردستانی ئێران راده‌گه‌یه‌نێت و له‌خودای مه‌زن داواکارین بزووتنه‌وه‌ی رزگاریخوازی نه‌ته‌وه‌که‌مان سه‌رکه‌وتوو بێت.
یه‌کیەتیی زانایانی ئایینیی کوردستانی ئێران

٢٤ی خه‌رمانانی ١٣٩٣ی هه‌تاوی