کوردستان میدیا: سەرۆکی بەندکراوی رێکخراوی مافی مرۆڤی کوردستان لە زیندانی ئەوینەوە، لە پەیامێکدا ٦٨ەمین ساڵـڕۆژی دامەزرانی کۆماری کوردستانی پیرۆز کرد.
دەقی پەیامەکە کە نوسخەیەکی بە \'\'کوردستان میدیا\'\' گەیشتووە، بەم چەشنەیە:
پاڵپشتیی لە مافی خودموختاری و سیستمی فیدراڵی بکەن
ساڵـڕۆژی ٢ی رێبەندان، رۆژی خودموختاریی کوردستان لە نەتەوەی کورد پیرۆز دەکەم و رێز لە پێشەوا قازی محەممەد و هاوڕێیانی لەمەڕ راگەیاندنی کۆماری خودموختاری کوردستان لە رێکەوتی ٢٢ی ژانوویەی ١٩٤٦ی زایینی و هەوڵەکانیان بۆ بەشداری پێکردنی نەتەوەی کورد لە مافی چارەی خۆنووسین لە چوارچێوەی ئێرانێکی دێموکراتیکدا دەگرم و هەروەها رێز لە خەباتی هەموو ئەو کەسانە دەگرم کە بۆ ئازادی و دابینکردنی مافەکانی نەتەوەی کورد، پشتیان لە گیان و ماڵ و ژیانیان کرد.
دەوڵەتی خودموختاری کوردستان ٦٨ ساڵ پێش ئێستا سەرەڕای ئەوەی کە بەشە سەرەکییەکان و ناوچەکانی ناوەند و باشووری کوردستانی لەژێر دەسەڵاتدا نەبوو، بەڵام پێکهاتەی ئەو دەوڵەتە چکۆلەیە لە چوارچێوەی ئێران لەسەر بنەما دێموکراتەکان، کۆماریخوازی، پلۆرالیزم، ئاشتی و مافی مرۆڤ دامەزرابوو. ئامانج و بەرنامەکانی لەو سەردەمەدا پێش پەسندکردنی راگەیەنراوی جیهانیی مافی مرۆڤ، لەسەر بناغەی بنەما مرۆیییەکان و لە جۆری خۆیدا بێ وێنە و دێموکراتیک بوون، هەر بۆیە ئێمە ئەمڕۆ رۆژی ٢ی رێبەندان وەکوو خاڵی وەرچەرخانی خەباتی مەدەنی و سیاسیی نەتەوەی کورد بە روانینی ئاشتیخوازانەەوە و لەسەر بنەمای ناسینەوەی مافی نەتەوەکان و کۆمەڵگا ئێرانییەکان و پێکەوەژیان لە چوارچێوەی سنوورەکانی وڵات و رێزگرتن لەو مافانە ناو دەبەین.
لەم رۆژە مێژوویییەدا جارێکی دیکە پاڵپشتیی خۆم لە داخوازییەکانی نەتەوەی کورد بۆ خودموختاری لە چوارچیوەی سیستمێکی دێموکراتیک و فیدراڵدا دەردەبڕم و دڵنیاشم کە نەتەوەی کورد و هەموو ئەوانەی کەلە نادادپەروەری بەشخوراویدا دەچەوسێنەوە و مافە سەرەتایی و ئازادیی مرۆیییەکانیان پێشێل کراوە، بە پشت بەستن بە ئیرادە و یەکیەتی و یەکگرتوویی و لێهاتوویییەکانیان لە ستەم و ئازار و بێ مافی رزگارییان دێت و بە مافەکانیان و ئازادی و دەسەڵاتی مافی چارەی خۆنووسین دەگەن.
تاران، زیندانی ئەوین
محەممەد سەدیق کەبوودوەند
سەرۆکی رێکخراوی مافی مرۆڤی کوردستان
١ی رێبەندانی ١٣٩٢ی هەتاوی
٢١ی ژانوویەی ٢٠١٤ی زایینی
دەقی پەیامەکە کە نوسخەیەکی بە \'\'کوردستان میدیا\'\' گەیشتووە، بەم چەشنەیە:
پاڵپشتیی لە مافی خودموختاری و سیستمی فیدراڵی بکەن
ساڵـڕۆژی ٢ی رێبەندان، رۆژی خودموختاریی کوردستان لە نەتەوەی کورد پیرۆز دەکەم و رێز لە پێشەوا قازی محەممەد و هاوڕێیانی لەمەڕ راگەیاندنی کۆماری خودموختاری کوردستان لە رێکەوتی ٢٢ی ژانوویەی ١٩٤٦ی زایینی و هەوڵەکانیان بۆ بەشداری پێکردنی نەتەوەی کورد لە مافی چارەی خۆنووسین لە چوارچێوەی ئێرانێکی دێموکراتیکدا دەگرم و هەروەها رێز لە خەباتی هەموو ئەو کەسانە دەگرم کە بۆ ئازادی و دابینکردنی مافەکانی نەتەوەی کورد، پشتیان لە گیان و ماڵ و ژیانیان کرد.
دەوڵەتی خودموختاری کوردستان ٦٨ ساڵ پێش ئێستا سەرەڕای ئەوەی کە بەشە سەرەکییەکان و ناوچەکانی ناوەند و باشووری کوردستانی لەژێر دەسەڵاتدا نەبوو، بەڵام پێکهاتەی ئەو دەوڵەتە چکۆلەیە لە چوارچێوەی ئێران لەسەر بنەما دێموکراتەکان، کۆماریخوازی، پلۆرالیزم، ئاشتی و مافی مرۆڤ دامەزرابوو. ئامانج و بەرنامەکانی لەو سەردەمەدا پێش پەسندکردنی راگەیەنراوی جیهانیی مافی مرۆڤ، لەسەر بناغەی بنەما مرۆیییەکان و لە جۆری خۆیدا بێ وێنە و دێموکراتیک بوون، هەر بۆیە ئێمە ئەمڕۆ رۆژی ٢ی رێبەندان وەکوو خاڵی وەرچەرخانی خەباتی مەدەنی و سیاسیی نەتەوەی کورد بە روانینی ئاشتیخوازانەەوە و لەسەر بنەمای ناسینەوەی مافی نەتەوەکان و کۆمەڵگا ئێرانییەکان و پێکەوەژیان لە چوارچێوەی سنوورەکانی وڵات و رێزگرتن لەو مافانە ناو دەبەین.
لەم رۆژە مێژوویییەدا جارێکی دیکە پاڵپشتیی خۆم لە داخوازییەکانی نەتەوەی کورد بۆ خودموختاری لە چوارچیوەی سیستمێکی دێموکراتیک و فیدراڵدا دەردەبڕم و دڵنیاشم کە نەتەوەی کورد و هەموو ئەوانەی کەلە نادادپەروەری بەشخوراویدا دەچەوسێنەوە و مافە سەرەتایی و ئازادیی مرۆیییەکانیان پێشێل کراوە، بە پشت بەستن بە ئیرادە و یەکیەتی و یەکگرتوویی و لێهاتوویییەکانیان لە ستەم و ئازار و بێ مافی رزگارییان دێت و بە مافەکانیان و ئازادی و دەسەڵاتی مافی چارەی خۆنووسین دەگەن.
تاران، زیندانی ئەوین
محەممەد سەدیق کەبوودوەند
سەرۆکی رێکخراوی مافی مرۆڤی کوردستان
١ی رێبەندانی ١٣٩٢ی هەتاوی
٢١ی ژانوویەی ٢٠١٤ی زایینی