کوردستان میدیا: بەمەبەستی ڕێزگرتن لە خەبات و تێکۆشانی خوشکە نەسرین قاسملوو، کتێبی بیرەوەری و بەسەرهاتەکانی ناوبراو بەناوی ئۆرووپاییەک لە وڵاتی کوردان لە ورمێ و شنۆ چاپ و بڵاو کرایەوە.
بەپێی هەواڵی گەیشتوو بە ماڵپەڕی کوردستان میدیا، ئەندامان و لایەنگرانی حیزبی دێموکراتی کوردستانی ئێران ڕێژەیەکی بەرچاو لە کتێبی ئۆرووپاییەک لە وڵاتی کوردان لە نووسینی خوشکە نەسرین قاسملوو، هاوژینی شەهیدی نەمر دوکتور قاسملوویان چاپ و بڵاو کردۆتەوە.
ئەم بەرهەمە ناوازە لە نێو کۆمەڵێک کەسایەتی و ئاکادێمیسیەنی کورد لە شارەکانی ورمێ و شنۆ بڵاو کراوەتەوە کە پێشوازییەکی بێوێنەی لێکراوە.
کتێبی ئۆرووپاییەک لە وڵاتی کوردان تا ئێستا بە زمانەکانی فەڕانسەوی، ئینگلیزی، تورکی، ئاڵمانی، فارسی و کوردی چاپ و بڵاو کراوەتەوە.
هێلین كرۆلیچ (نەسرین قاسملوو) بە ڕەگەز چێكییە، لە ساڵی ١٩٣٣ی زایینی لە پراگ لە دایك بووە؛ لە ساڵی ١٩٦٣ لە پراگ خوێندنی فەلسەفە و زمانی تەواو كردووە و بڕوانامەی ماستەری تێدا بە دەست هێناوە؛ زمانەكانی چێكی، ئینگلیزی، كوردی و فارسی دەزانێت؛ لە ئورووپا و ئێران و عێراق ژیاوە و لە ساڵی ١٩٧٦ەوە تا ئێستا لە پاریس دەژی؛ لە ساڵی ١٩٥٢ی زایینی لە زانكۆی پراگ لەگەڵ دوكتور قاسملوو یەكتر دەناسن و لە ساڵی ١٩٥٣ زایینی ژیانی هاوبەش پێك دێنن و بۆ ماوەی ٣٧ ساڵ چارەنووسیان پێكەوە گرێ دەدرێت؛ لە حاڵێكدا كە نەسرین خانم ژنێكی بە ڕەگەز ئورووپایی بوو، بەڵام بەشی زۆری ژیانی خۆی بۆ خزمەتی دۆزی ڕەوای كورد تەرخان كرد.
بەپێی هەواڵی گەیشتوو بە ماڵپەڕی کوردستان میدیا، ئەندامان و لایەنگرانی حیزبی دێموکراتی کوردستانی ئێران ڕێژەیەکی بەرچاو لە کتێبی ئۆرووپاییەک لە وڵاتی کوردان لە نووسینی خوشکە نەسرین قاسملوو، هاوژینی شەهیدی نەمر دوکتور قاسملوویان چاپ و بڵاو کردۆتەوە.
ئەم بەرهەمە ناوازە لە نێو کۆمەڵێک کەسایەتی و ئاکادێمیسیەنی کورد لە شارەکانی ورمێ و شنۆ بڵاو کراوەتەوە کە پێشوازییەکی بێوێنەی لێکراوە.
کتێبی ئۆرووپاییەک لە وڵاتی کوردان تا ئێستا بە زمانەکانی فەڕانسەوی، ئینگلیزی، تورکی، ئاڵمانی، فارسی و کوردی چاپ و بڵاو کراوەتەوە.
هێلین كرۆلیچ (نەسرین قاسملوو) بە ڕەگەز چێكییە، لە ساڵی ١٩٣٣ی زایینی لە پراگ لە دایك بووە؛ لە ساڵی ١٩٦٣ لە پراگ خوێندنی فەلسەفە و زمانی تەواو كردووە و بڕوانامەی ماستەری تێدا بە دەست هێناوە؛ زمانەكانی چێكی، ئینگلیزی، كوردی و فارسی دەزانێت؛ لە ئورووپا و ئێران و عێراق ژیاوە و لە ساڵی ١٩٧٦ەوە تا ئێستا لە پاریس دەژی؛ لە ساڵی ١٩٥٢ی زایینی لە زانكۆی پراگ لەگەڵ دوكتور قاسملوو یەكتر دەناسن و لە ساڵی ١٩٥٣ زایینی ژیانی هاوبەش پێك دێنن و بۆ ماوەی ٣٧ ساڵ چارەنووسیان پێكەوە گرێ دەدرێت؛ لە حاڵێكدا كە نەسرین خانم ژنێكی بە ڕەگەز ئورووپایی بوو، بەڵام بەشی زۆری ژیانی خۆی بۆ خزمەتی دۆزی ڕەوای كورد تەرخان كرد.