کوردستان میدیا: هەیئەتێکی کۆمیتەی حیزبی دێمۆکرات و یەکیەتیی لاوان لە هولەند بە نیشانەی رێز گرتن لە رۆژی پێشمەرگە، سەردانی گڵکۆی چەند شەهیدێکی حیزبی دێمۆکراتیان لەو وڵاتە کرد.
بەپێی هەواڵی ماڵپەڕی کوردستان میدیا، ئەو هەیئەتەی کۆمیتەی هولەند و یەکیەتی لاوان سەردانی گڵکۆی عەبدوڵڵا ئیسماعیلپوور (عەوڵا شۆڕش) و عەزیز مامەند دوو شەهیدی ئەندامانی کۆمیتەی حیزبی دێمۆکرات لە هولەندیان کرد و چەپکە گوڵی رێز لێنانیان لەسەر گوڕەکانیان دانا.
هەر لەو پێوەندییەدا ئەو هەیئەتی کۆمیتەی هولەند و یەکیەتی لاوان سەردانی بنەماڵەی ئەو دوو شەهیدەشیان لەو وڵاتەدا کرد.