Komara Kurdistanê û bandora wê li ser ji nû ve avakirina civaka şoreşger 

N. Serbest Urmiye

Ji nû ve avakirina civaka şoreşger, pêvajoya berdewamkirin û nûkirina taybetmendî, nirx, rêkxistin, hizir û baweriyên şoreşgerî di civakê de ye, ku di heyamên cuda yên dîrokî de, bi taybetî piştî şoreşê, bi merema parastin û berdewamiya hizir û armancên şoreşgerî pêk tê. Pêvajoya han di berdewambûna têkoşîn û pêşvebirina armancên şoreşgerî de roleke bingehîn  dibîne û girêdayî hin  fakteran e ku her ye k ji van bandora xwe li ser vê pêvajoyê hene.

Îdeolojiya şoreşgerî yek ji eslên bingehîn e di ji nû ve avakirina civaka şoreşger de. Ev îdeolojî bi di bingeh de şiroveya komek ji nirx, pirensîb û îdealan dike ku gel yank u em bêjin mirov ji bo serxistin û cihgîrkirina wan şoreşe dike. Divê ev ku ev nirx û bihyên han nifş bi nifş werin veguhestin da ku hertim civaka şoreşger li ser pê ragirin û şores li dijî newekhevî û zilm û zorê berdewam be. Di vê rêyê de jî perwerdeya aliyên cuda yên çandî û rewşenbîrî û şoreşgeriyê û herwiha ragihandin û xorttkirina çanda şoreşgeriyê di civakê de roleke bi bandor dibîne.

Di Komara Kurdistanê de îdeolojiya şoreşê li ser bingehên azadî, mafê çarenivîsê, wekheviya civakî û nasnameya netewî ya Kurd, pêkhatibû dimeşiya. vê îdeolojiyê ji bilî ku tekoşîna azadîxwaziyê di nava şoreşgerên kurd yên heyamê Komara Kurdistanê de xurtir kir, belkû bû mîrateke bi nirix bo  nifşên paşerojê jî  ku  weke  hêzeke emegnas di pêxema serxistina armancên komara Kurdistanê de berdewam di çeperê şoreşê de bimînin.

Di rastî de îdeolojiya Komara Kurdistanê karî li hember zextên navxweyî û derve de li ber xwe bide û  civakeke şoreşger  qonax bi qonax  di Kurdistanê berhem bîne.

1-. Ji nû vejandina armancên şoreşgerî û rola wê di nû kirina civaka şoreşger de, Ji nû vejandina armancên şoreşgerî di nû kirina civaka şoreşger de rolek girîng heye û dikare di rêya rêkxistin û damezirandina  navendên perwerdehiyê, ragihandinê û piştgiriya navneteweyî de pêk were û li gorî bandorek  bi hêz li ser têkoşîn  û bihevre girêdana taken civakê, civakeke şoreşger û xurt ava bike. Dema ku ev armanc bi berdewamî werin zindîkirin, dê civaka şoreşger bikaribe têkoşîna xwe bidomîne û serkeve.

2- Di Komara Kurdistanê de vejandina  armancên şoreşgerê bû  sedema bihêzbûna nasnameya netewî ya Kurd û avakirina komarek serbixwe li ser esasên azadî û dadperweriya civakî. Vê pêvajoyê karî  berxwedana civakî û siyasî di nava gelê Kurdistanê de xurt bike û veguhêze nifşên paşerojê.

3- Xurtkirina rih û ramana berxwedanê û ji nû ve avakirina civaka şoreşger, Hebûna  riha berxwedan û berxwedayînê  di civakeke şoreşger de mercê berdewambûn  û serkevtinê ye. Ev hest û raman   tenê li hemberî zextên hundir û derve de nine ku alîkariyê dide têkoşînên şoreşgeran, belku di ji nû ve avakirin civaka şoreşger de jî rolek girîng dibîne û xwedî bandor e. Hindî  ku    riha berxwedanê di civakê de  xurt be, ev qas civak  armancên xwe yên şoreşgerî xurtdike û li hember dijwariyan de bêtir li ber xwe dide.

Komara Kurdistanê bi xurtkirina rihê berxwedanê   di nava gelê Kurd de karî  modeleke berxwedanê ji bo nifşên paşerojê biafirîne. Ev raman ne tenê bû seema berdewambûna tekoşînê di ware neteweyî û azadîxwaziyê de, belku û sedem ku Kurdistanê li hember zordarî û dagîrkeriyê de jî di asteke bilind de tekoşîna xwe bidomîne.

4- Nifşên nû û nûkirina civaka şoreşger, Rola nifşên nû di ji nû ve kirina civaka şoreşger de girîng e. Divêt ev nifş bi îdeolojî û armancên şoreşê werin zane û perwerdekirin.  Di heman demê de bivêt ku li hember arîşeyên civakî û siyasî jî berxwe bidin. Perwerdekirina nifşên nû û xurtkirina hizir a şoreşgerî di nava ciwanan de yek ji girîngtirîn aliyên vê pêvajoyê ye.

Di Komar û herêma Kurdistanê partî û tevgerên siyasî hewil dan û didin ku nirx û girîngiya  azadî û serxwebûnê  nifş bi nifş nûjen bikin . Ev pêşkewtina perwerde û çandî bû sedem ku nifşên nû yên Kurd bi armancên Komara Kurdistanê hîn bibin û ji bo pêkanîna wan têbikoşin.

5- Rêkxistin û partiyên siyasî û rola wan di nûjenkirina civaka şoreşger de, Rêkxistin û partiyên siyayî yên şoreşger di  nû kirina civaka şoreşger de xwedî roleke xurt  in. Ev dikarin hizir û bîrên şoreşê pêşve bibin û di rêya perwerde, propaganda û bernameyên siyasî de  yekîtî û hevgirtinê di   civaka şoreşger de berhem binin û  xurt ragirin.

Komara Kurdistanê bi avakirina rêkxistin û partiyên siyasî alîkariya bi hêzbîna têkoşîna şoreşgerî ya gelê Kurd kir. Van rêkxistinan bi berdewamî berevanî ji ramanên şoreşê kirine û karîne bandorê li ser geşekirina  tevgerên şoreşgerî li Kurdistanê û bi taybedî Rojhiltê Kurdistana danên. Bandora wan bi xasmanî di xurtkirina nasnameya siyasî û neteweyî ya Kurdan de berçav e.

6- Bandora rewşa civakî û aborî li ser nûkirina  civaka şoreşger, Rewşa civakî û aborî jî yek ji fakterên ber çav e di ji nû ve avakirina civaka şoreşger de e. Nerazîbûna gel a ji ber xizaniyê, newekheviyê û nebûna dadperweriya civakî dibe sedema pêkhatin û berdewamiya tevgerên şoreşger. Rewşa han bi taybetî li   Kurdistanê de bandorek mezin li ser geşkirina têkoşînên şoreşger  hebûye û heye.

Di Komara Kurdistanê de navendên aborî û civakî karîbûn  heya qaseke baş li hember arîşe û pirsgirêgên  aborî û civakî de alîkariya gel bikin  û civaka Kurdistanê li serhildana pirsgirêkên zêde û aloz biparêzin. Navendên han di xurtkirina rih û ramana berxwedanê û tekoşîna li dijî zilm û zoriyê de roleke girîng dîtîn  û bi awayekî xuya  bandor li ser ji nû ve avakirina civaka şoreşger a Kurdistanê danîn.

Gotina dawiyê

Komara Kurdistanê weke ezmûneke dîrokî di qada ji nû ve avakirina civaka şoreşger di Kurdistanê de, bi berhemanîna ramana azadî, serbxwebûn û dadperweriya civakî, afirandin û bi hêz kirina  rihê berxwedan û pêşveçûne û her wiha û bi rêxistina civaka şoreşger di Kurdistanê de, xwedî pêgeheke mezin û roleke  bingehîn e di berdewambûna  şoreş û têkoşînên rizgarîxwaziyê  û damezirandina  navend û rêkxistinên civakî û çandî di seranserî Kurdistanê de. Ev destkevtên Komara Kurdistanê heya niha jî di tekoşîna siyasî û civakî ya gelê Kurd de bi bandor xwedî bandor in weke sembo dê ji nifşên paşerojê re jî bimînin.