کوردستان میدیا: کوردانی دانیشتووی بریتانیا و ئەندامان و لایەنگرانی حیزبی دێموکراتی کوردستانی ئێران بۆ پشتیوانی لە خەباتی مافخوازانە و ڕەوای خەڵکی ئێران، خۆپیشاندانیان لەو وڵاتە بەڕێوە برد.
بەپێی هەواڵی گەیشتوو بە ماڵپەڕی کوردستان میدیا، ڕۆژی چوارشەممە ڕێکەوتی ٢٢ی خاکەلێوەی ١٣٩٧ی هەتاوی، کوردانی دانیشتوی بریتانیا بە گشتی و ئەندامان و لایەنگرانی حیزبی دێموکراتی کوردستانی ئێران بەتایبەتی، بۆ پشتیوانیکردن لە جووڵانەوە و ناڕەزایەتی دەربڕین و خەباتی مافخوازانە و ڕەوای، گەلی زوڵم لێکراو و چەوساوەی عەرەب لە ئێران، بەتایبەت لە شاری ئەهواز و دەوروبەری و هەروەها بۆ ئیدانەکردن و مەحکوومکردنی سەرکوتی ئەم ناڕەزایەتییانە، لە لایەن ڕێژیمی کۆنەپەرست و جەلادی ئیسلامیی ئێرانەوە، خۆپیشاندانێکیان لەبەر دەرگای باڵوێزخانەی ڕێژیمی ئێران لە شاری لەندەن بەڕێوە برد.
خۆپیشاندانەکە کاتژمێر١ی پاش نیوەڕۆ بە بەشداری حیزبی دێموکراتی کوردستانی ئێران و چەندین حیزب و گرووپی عەرەب و بەلوچی ئێرانی دەستی پێکرد و لە ماوەی دوو کاتژمێری خۆپیشاندانەکەدا بە چەندین زمانی جیاواز دژ بە ڕێژیمی کۆماری ئیسلامیی ئێران و بۆ پشتیوانی لە گەلانی ژێرستەمی ئێران و بەتایبەتی گەلی عەرەب دروشم درا.
لە کۆتاییدا هەموو حیزبە بەشداربووەکان بە جودا بەیاننامەیان خوێندەوە و بەیاننامەی حیزبی دێموکراتی کوردستانی ئێرانیش لە لایەن ڕامبود لووتف پووری خوێندرایەوە.
ئەو خۆپیشاندانە کاتژمێر سێی پاش نیوەڕۆ کۆتایی هات.
بەپێی هەواڵی گەیشتوو بە ماڵپەڕی کوردستان میدیا، ڕۆژی چوارشەممە ڕێکەوتی ٢٢ی خاکەلێوەی ١٣٩٧ی هەتاوی، کوردانی دانیشتوی بریتانیا بە گشتی و ئەندامان و لایەنگرانی حیزبی دێموکراتی کوردستانی ئێران بەتایبەتی، بۆ پشتیوانیکردن لە جووڵانەوە و ناڕەزایەتی دەربڕین و خەباتی مافخوازانە و ڕەوای، گەلی زوڵم لێکراو و چەوساوەی عەرەب لە ئێران، بەتایبەت لە شاری ئەهواز و دەوروبەری و هەروەها بۆ ئیدانەکردن و مەحکوومکردنی سەرکوتی ئەم ناڕەزایەتییانە، لە لایەن ڕێژیمی کۆنەپەرست و جەلادی ئیسلامیی ئێرانەوە، خۆپیشاندانێکیان لەبەر دەرگای باڵوێزخانەی ڕێژیمی ئێران لە شاری لەندەن بەڕێوە برد.
خۆپیشاندانەکە کاتژمێر١ی پاش نیوەڕۆ بە بەشداری حیزبی دێموکراتی کوردستانی ئێران و چەندین حیزب و گرووپی عەرەب و بەلوچی ئێرانی دەستی پێکرد و لە ماوەی دوو کاتژمێری خۆپیشاندانەکەدا بە چەندین زمانی جیاواز دژ بە ڕێژیمی کۆماری ئیسلامیی ئێران و بۆ پشتیوانی لە گەلانی ژێرستەمی ئێران و بەتایبەتی گەلی عەرەب دروشم درا.
لە کۆتاییدا هەموو حیزبە بەشداربووەکان بە جودا بەیاننامەیان خوێندەوە و بەیاننامەی حیزبی دێموکراتی کوردستانی ئێرانیش لە لایەن ڕامبود لووتف پووری خوێندرایەوە.
ئەو خۆپیشاندانە کاتژمێر سێی پاش نیوەڕۆ کۆتایی هات.