کوردستان میدیا: ناوەندی نێرگز بۆ پەروەردەی فیکری و هونەریی منداڵان و میرمنداڵانی کوردستانی ئێران بە مەبەستی پێشوازی لە نەورۆز فێستیڤاڵێکی ساز کرد.
بەپێی هەواڵی هەواڵنێری ماڵپەڕی کوردستان میدیا، ئەو فێستیڤاڵە بە ئامادە بوونی منداڵانی ناوەندەکانی ١، ٢، ٣ی کوردستان و بنەماڵەکانی حیزبی دێمۆکراتی کوردستانی ئێران بەڕێوەچوو.
گرووپی مۆسیقای خاک سەربە بەڕێوەبەرایەتیی رۆشنبیریی شاری سلێمانی لەسەر بانگهێشتی ناوەندی نێرگز لەو فێستیڤاڵەدا ئامادە بوو.
گرووپی خاک لەو فێستیڤاڵەدا کۆمەڵێک گورانی و بەرهەمی هونەریان پێشکەش بە ئامادە بوان کرد.