کوردستان میدیا

ماڵپەڕی ناوەندیی حیزبی دێموکراتی کوردستانی ئێران

AKP و CHP سه‌باره‌ت به‌ چاره‌سه‌ر کردنی پرسی کورد له‌ تورکیه‌ دانووسان ده‌که‌ن

16:24 - 15 جۆزەردان 2712

کوردستان میدیا: پارتی ده‌سه‌ڵاتداری تورکیه‌ AKP و پارتی گه‌لی کۆماری CHP له‌سه‌ر پرسی کورد له‌ تورکیه‌، پرۆژه‌ یاسایه‌ک ئاراسته‌ی پارلمان ده‌که‌ن.
به‌گوێره‌ی راپۆرتی ئاژانسی هه‌واڵده‌ریی توده‌ی زه‌مان، حه‌وتووی رابردوو که‌مال کلیچدا ئوغڵوو سه‌رۆكى پارتی گه‌لی کۆماری (CHP)، داوای کردووه‌ بۆ چاره‌سه‌ر کردنی پرسی کورد له‌ تورکیه‌ کار بکرێت.
ناوبراو بۆ ئه‌و مه‌به‌سته‌ داوای له‌ به‌رپرسانی حکوومه‌ت و پارلمان کردووه‌ که‌ له‌سه‌ر ئه‌و بابه‌ته‌ پێداگر بن و رێگاچاره‌یه‌ک له‌مه‌ڕ چاره‌سه‌ر کردنی نه‌ته‌وه‌ی دووهه‌م له‌و وڵاته‌ بدۆزنه‌وه.
سه‌رۆكى (CHP)، هه‌ر له‌و پێوه‌ندییه‌دا گوتی: ساڵی ١٩٨٩ی زایینی پارته‌که‌مان داوای چاره‌سه‌ریی پرسی کوردی کرد و هه‌روه‌ها له‌ کاتی هه‌ڵبژاردنی پارلمان له‌ ساڵی ٢٠١٠، بۆ جارێکی دیکه‌ ئه‌و پرسه‌مان خسته‌ڕوو، به‌ڵام هیچ پارت و لایه‌نێکی سیاسی به‌ ده‌نگمانه‌وه‌ نه‌هاتن.
بڕیاره‌ چوارشه‌ممه‌ی داهاتوو سه‌رۆكى (CHP) له‌گه‌ڵ ره‌جه‌ب ته‌یۆب ئه‌ردۆغان سه‌رۆک وه‌زیرانی تورکیه‌ بۆ چاره‌سه‌ر کردنی پرسی کورد کۆببنه‌وه‌ و له‌سه‌ر نووسینی پرۆژه‌ یاسایه‌ک له‌مه‌ڕ تاوتوێ کردنی له‌ پارلمانی ئه‌و وڵاته‌ کار بکه‌ن.

راگەیەنەکانی حیزبی دێمۆکراتی کوردستانی ئێران