شاندێکی ناوچەی بەرانەتی پارتی دێموکراتی کوردستان سه‌ردانی ناوه‌ندی ٣ ی حیزبی دێموکڕاتی کوردستانی کرد.
رۆژی دوشه‌ممە، ٢ی سه‌رماوه‌ز شاندێک لە لێژنە ناوچەی بەرانەتی پارتی دێموکراتی کوردستان به سه‌رپه‌رستیی کاک هێرش سه‌ردانی ناوه‌ندی ٣ ی حیزبی دێموکڕاتی کوردستانی کردو له‌لایه‌ن
شاندی حیزبی به سه‌رپه‌رستیی لوقمان موئمێنی، بەرپرسی ناوەند‌و سۆفی ئه‌حمه‌د‌و ئه‌حمه‌د قازی، ئەندامانی ناوەنده‌وه پێشوازی‌یان لێ‌کرا.
له‌و سه‌ردانه‌دا باس‌و بابه‌ته‌کانی پێوه‌ندیدار به دوولایه‌ن‌و پرسه ڕۆژڤه‌کانی کوردستان تاوتوێ کران‌و له سه‌ر کێشه‌و قه‌یرانه‌کانی ناوچه‌که ئاڵوگۆری بیروڕا کرا.
هه‌روه‌ها دوو لایه‌ن له پێویستیی به‌رده‌وامیی ئه‌و دانیشتن‌و په‌ره‌پێدان به پێوه‌ندیی نێوانیان پێداگر‌یان کرد.
